Новости

Напярэдадні навагодніх свят вучні 6 класа арганізавалі святочную выставу нагодніх цацак і атрыбутаў "Навагодні алфавіт", якую правялі ў выглядзе гульні "Навагодняя адгадайка". Да падбору ёлачных цацак усе ўдзельнікі падышлі творча: тут былі як старыя ёлачныя ўпрыгожанні, так і сучасныя. На кожную літару алфавіта свой экспанат На выставе - гульні можна ўбачыць і сімвал надыходзячага года-дракона. Выстава атрымалася яркая, разнастайная. На працягу зімовых канікул выставу наведалі вучні 1-5 класаў, а таксама выхаванцы дзённага лагера “Вясёлка” Дзякуй усім за ўдзел.

Вось і прыйшлі доўгачаканыя зімовыя кнікулы. Навагоднія цуды нас чакаюць кожны дзень: гасцінна запрасіў да сябе школьны лагер "Вясёлка". Аздараўленчы лагер наведвае Зыковіч Аляксандр. На вясёлым свяце "Прыгоды каля навагодняй ёлкі" мы сустрэліся з нашымі любімымі казачнымі героямі, дзедам Марозам і Снягуркай. Павесяліліся ад душы: спявалі, танцавалі, расказвалі вершы, гулялі ў цікавыя гульні. А хутка і Новы год!
Чакае ўся зямля яго,
Па следу выглядае.
Ужо ў дарозе Новы год
І хутка завітае.
Прыйшла красуня ёлка
Уцехай для вачэй
І ззяе, як вясёлка,
Ярчэй, ярчэй, ярчэй.
Пабраўшыся за рукі,
У срэбранай цішы
Ля ёлкі без прыпынку
Паскачам ад душы.
У гэтым карагодзе
І дзеці, і звяры
Сышліся ў добрай згодзе,
Як даўнія сябры.
На ёлцы ўспыхнулі агні,
І зоркі карагодзяць.
І вось ён дзверы расчыніў!
І мы — у Новым годзе!

Падведзены вынікі навагодніх конкурсаў. Наш клас атрымаў узнагароду ў намінацыі "Зімовы цуд" на лепшае навагодняе афармленне класа.
Бартановіч Міша і Клачко Дзіяна атрымалі падарункі за ўдзел у конкурсе "Навагоднія фантазіі". Віншуем з узнагародай.

Кожны год, ужо ў пачатку снежня, адчуваецца прыбліжэнне вялікага свята - сустрэча Новага года. Навучэнцы нашага класа актыўна працавалі ў майстэрні Дзеда Мароза: выразалі сняжынкі, казачных герояў, рабілі ланцужкі, упрыгожылі клас да свята, аформілі класную фотазону, зрабілі навагоднія вырабы на конкурс "Навагоднія фантазіі".

Еўфрасіння Полацкая ўшаноўваецца як апякунка і нябесная заступніца зямлі беларускай. Яна нарадзілася каля 1101 г. (не пазней 1104) у сям’і князя Святаслава-Георгія, малодшага сына Усяслава Чарадзея. Нечакана для блізкіх князёўна Прадслава ўпотай прыняла пострыг пад імем Еўфрасіння.
Прападобная Еўфрасіння заснавала жаночы і мужчынскі манастыры, якія сталі цэнтрам асветы ў Полацкім княстве. Яе намаганнямі папаўнялася бібліятэка Сафійскага сабора і вялося полацкае летапісанне. Па заказе Еўфрасінні майстрам Лазарам Богшам быў створаны ўнікальны шэдэўр старабеларускага прыкладнога мастацтва – крыж, названы яе імем.
Аб жыцці асветніцы мы даведаліся на інфармацыйнай гадзіне "Славутыя людзі зямлі беларускай".

Нам, беларусам, ёсць кім ганарыцца, ёсць з каго браць прыклад. Наша зямля дала славянскаму свету шмат выдатных асветнікаў. Але ж вытокі асветніцтва пачыналіся з дзейнасці Ефрасінні Полацкай – вялікай і мудрай дачкі беларускага народа. Ефрасіння Полацкая зрабіла для нашага народа столькі дабра, што царква абвясціла яе святой. І зараз 5 чэрвеня штогод у Беларусі адзначаецца дзень памяці Ефрасінні Полацкай. Яна лічыцца нябеснай заступніцай зямлі беларускай. Сёння ў нашым класе прайшоў адзіны ўрок, прысвечаны Ефрасінні Полацкай. Падчас урока вучні змаглі ўспомніць ужо вядомыя звесткі пра асветніцу зямлі беларускай і пазнаёміліся з новымі.

Дзе ты, добры Дзед Мароз?
Можа, ў лесе ты замёрз?
Што да нас ты не прыходзіш?
Ці валёнкі не знаходзіш?
Ці вавёрка спрытнай лапкай
У цябе схапіла шапку?
Дзе ты, добры Дзед Мароз?
Можа снег цябе занёс?
Ці кажух свой не знаходзіш?
Ці вакольным шляхам бродзіш?
Дзе ты, добры Дзед Мароз?
Пакажы нам тхоць бы нос!
Вучні класа актыўна працуюць у майстэрні дзеда Мароза. Да навагодніх свят - гатовы! Засталося толькі дачакацца нашага дарагога госця.

У нашым класе прайшла адзіная інфармацыйная гадзіна па прафілактыцы злачынстваў і правапарушэнняў "Мой выбар - адказнасць і самакантроль". Мэта дадзенага мерапрыемства – выхаванне ў навучэнцаў прававой культуры, адказнасці за свае ўчынкі.

З мэтай выхавання маральных якасцяў малодшых школьнікаў у нашым класе прайшла інфармацыйная гадзіна “Падарожжа ў краіну “Правы чалавека””. Навучэнцы яшчэ раз успомнілі і паўтарылі правы, якія маюць дзеці, праслухалі міні-лекцыю “Канвенцыя аб тваіх правах”, прааналізавалі сітуацыі “Правы і абавязкі”. Падчас мерапрыемства навучэнцы вывелі простыя правілы ўзаемазносін: неабходна ведаць свае правы; неабходна паважаць правы іншых людзей; нельга забываць пра свае абавязкі.

Мы на свет родились, чтобы радостно жить,
Чтобы вместе играть, чтобы крепко дружить,
Чтоб улыбку друг другу дарить и цветы,
Чтоб исполнились в жизни все наши мечты.
У рамках Тыдня прафілактыкі СНІДу ў нашым класе прайшла класная гадзіна “Злы чараўнік наркотык”. Мэта дадзенага мерапрыемства - пазнаёміць навучэнцаў з небяспекай, якую ўтойваюць у сябе наркотыкі. А пачалося мерапрыемства з гульні “Сюрпрыз”, падчас якой навучэнцам неабходна было перамагчы свае жаданні і выстаяць перад спакусай, што не ва ўсіх атрымалася. Вучні праслухалі казку “Мара ВІЧ”, спрабавалі растлумачыць, чаму наркотык "злы" і чараўнік. І ў завяршэнні прыйшлі да высновы, што вельмі важна ўмець сказаць "не" згубным звычкам і зрабіць выбар на карысць здаровай і шчаслівай будучыні.

СНІД-хвароба страшная. Навукоўцы кажуць, што праз яе на нашай планеце кожныя 11 секунд паміраюць людзі. Хвароба гэта не ведае межаў і забірае жыцці ў розных краінах. СНІД-бяда, якая пагражае ўсяму чалавецтву. І змагацца з гэтай страшнай хваробай можна толькі разам, усім светам. Каб прыцягнуць увагу жыхароў зямлі да гэтай усеагульнай бяды, па прапанове Сусветнай арганізацыі аховы здароўя было вырашана праводзіць Сусветны дзень барацьбы са СНІДам. Упершыню такі дзень быў праведзены 1 снежня 1988 года. І з тых часоў ён праводзіцца штогод. У гэты дзень у дзясятках краін свету па радыё і тэлебачанні, у газетах, на сустрэчах і лекцыях успамінаюць пра людзей, якія пацярпелі ад СНІДу, падрабязна распавядаюць і дзецям, і дарослым аб гэтай хваробе, вучаць клапаціцца пра сваё здароўе.

Зноў зіма! Зноў зіма!
І кругом - сумёты.
Ды няма, ды няма ў вачах самоты!
Белы снег! Белы снег, на плячо садзіцца.
І ў вачах, і ў вачах радасна іскрыцца.
Вучні класа актыўна ўключыліся ў работу "Майстэрні дзеда Мароза". Упрыгожваем клас, рыхтуем песні, карагоды, вучым вершы да свята.
Бартановіч Міхаіл і Клачко Дзіяна прынялі ўдзел у школьным конкурсе "Навагоднія фантазіі".

Добрыя словы-карані.
Добрыя думкі-кветкі.
Добрыя справы-плён.
Добрыя сэрцы-сады.
Класная гадзіна ў нашым класе была прысвечана тэме дабра и зла. Мэта яе: стварыць умовы для фарміравання ў навучэнцаў уяўлення пра дабро і добрага чалавека. Падчас гульні-практыкума дзеці шукалі адказы на пытанні “Што такое дабро”, “Што ёсць зло”, “Якога чалавека можна назваць добрым”, успомнілі прыказкі на дадзеную тэму, паўтарылі “чароўныя словы”, якія гучаць у нашай мове, пагулялі ў гульню “Ахарактарызуй казачнага героя”, склалі правілы дабрыні.

Аб чым даведаліся на восеньскім кірмашы: сваю назву вітаміны атрымалі ад лацінскага слова “Віта “ - жыццё, г.зн. яны жыццёва неабходныя для чалавека. Вітаміны бываюць розныя. Іх існуе больш за 30. Як і ў чалавека, у кожнага вітаміна ёсць сваё імя. Вітаміны абазначаюцца лацінскімі літарамі А, У, З, D, E, F і інш. У арганізме чалавека вітаміны амаль не выпрацоўваюцца. Яны паступаюць разам з ежай і патрэбныя нам у вельмі малых дозах. Нягледзячы на гэта, вітаміны аказваюць моцнае ўздзеянне на арганізм чалавека. А вось адсутнасць вітамінаў у арганізме чалавека прыводзіць да сур'ёзных парушэнняў, хвароб (авітаміноз). Больш за ўсё вітамінаў ўтрымліваюць расліны. Каб пазбегнуць авітамінозу, трэба кожны дзень з'ядаць 5 порцый рознай гародніны і садавіны. Адной порцыяй лічыцца яблык ці апельсін, кубак дробных ягад (маліна, вінаград і інш.), шклянка соку, талерка салаты.

Радзілася я ў Беларусі,
Дзе ціхі, задумлівы бор.
Ляцяць сюды з выраю гусі
Да сініх цудоўных азёр.
Стаяць векавыя дубровы,
Даносіцца ласкавы шум.
І сонца, і ветрык вясновы
Цяплом саграваюць душу.
(А.Дзеружынскі)
Размова на класнай гадзіне "Я хачу быць шчаслівым!" ішла пра магчымасці, якія адкрываюцца перад намі.

У рамках акцыі “Місія - жыць” прайшла класная гадзіна “Мы – за здаровы лад жыцця”. Мэта мерапрыемства - пашырыць уяўленне дзяцей пра здаровы лад жыцця і фарміраваць у іх патрэбу ў здаровым ладзе жыцця. У ходзе гульні “Карысна - шкодна” навучэнцы 3-4 класаў успомнілі і паўтарылі асноўныя правілы здаровага ладу жыцця, удзельнічаючы ў конкурсе “Здароўе”, прыдумвалі на кожную літару гэтага слова словы, якія маюць адносіны да здароўя і здаровага ладу жыцця, склалі памятку “Калі хочаш быць здаровы…” А вынікам мерапрыемства стала калектыўная работа – складанне калажа “ Складаемыя здаровага ладу жыцця”.

У школе праходзіць антынаркатычная акцыя «Місія - жыць». Навучэнцы 1 - 2 класа сёння працавалі ў майстэрні добрага настрою "Намалюй мне сонейка". Пад час работы былі абмеркаваны пытанні па захаванні свайго здароўя. Усе аднадушна прыйшлі да згоды ў сваім жаданні і далей весці здаровы і актыўны лад жыцця, прапагандаваць яго сярод равеснікаў і дарослых, быць заўсёды разам, каб тварыць, сябраваць, займацца спортам, атрымліваць задавальненне ад прыгажосці прыроды, ставіць перад сабой вялікія мэты і дасягаць іх. Таму што ў нас асаблівая і важная місія — “Місія — жыць!”.

Будь спортивным и здоровым!
Спортивным быть теперь вновь модно!
Со спортом много ты поймёшь:
Спорт – и здоровье без таблеток,
Спорт – и веселье без забот.
С друзьями спортом заниматься,
Поверь, реально круглый год!
Мороз – коньки ты одеваешь,
Затем на лыжи уж встаёшь!
Попробуй делать каждый день
Зарядку утром! Будет лень
Вначале, но привыкнешь скоро…
Здоровым станешь – это клёво!

Агния Жаброва

Не лейте понапрасну воду,
и зря не жгите свет и газ!
Давайте сохраним природу для тех,
кто будет после нас!
Навучэнцы 3-4 класаў прынялі ўдзел у пазнавальнай гульні “Азбука беражлівасці”, прысвечанай Міжнароднаму дню энергазберажэння. Асноўная мэта мерапрыемства – прыцягненне ўвагі навучэнцаў да праблемы энергазберажэння. Відэаролік “Захаваем нашу планету” напомніў рабятам аб беражлівых адносінах да вады, электраэнергіі, як правільна размяркоўваць бытавыя адходы. Дзеці пазнаёміліся з паняццем сонечная энергія, даведаліся, як берагчы электраэнергію, разгадвалі рэбусы і крыжаванкі, адгадвалі загадкі, запаміналі простыя правілы беражлівасці.

Беражнае выкарыстанне энергіі — ключ да паспяховага рашэння экалагічных праблем.
Самае простае рашэнне зменшыць забруджванне прыроды - берагчы энергію, або, другімі словамі, расходваць энергію больш разумна. Адным словам гэта называецца "энергазберажэнне". Эканоміць энергію павінны ўсе разам і кожны чалавек паасобку.