Новости
Aдшyмeлa лeтa кaлacaмi,
Aдcпявaлa ў пyшчы і ў бapы.
Kлac зaлiўcя звoнкa гaлacaмi,
I зa пapтaй ceлi мы, cябpы.
Пpaзвiнeў звaнoк рaнюткa-paнa,
I aдpaзy клac yвecь зaцix.
Бyдзeм мы вyчыццa ўce cтapaннa,
Cлyxaццa нacтaўнiкaў cвaix.
Заціх на лузе звон пчаліны,
Замоўк у лесе хор птушыны,
Заглухла музыка жніва.
І першым ранкам вераснёвым
Спяшаецца з настроем новым
Да школы роднае дзятва.
Вось і перагарнула лета сваю апошнюю старонку, а разам з ёй скончыліся і вясёлыя канікулы з гульнямі, падарожжамі, цікавымі сустрэчамі. І сёння, у першы вераснёўскі дзень, усе сабраліся на ўрачыстую лінейку, прысвечаную пачатку новага навучальнага года.
Прайшоў першы ўрок "Беларусь і Я - дыялог міру і стварэння". Успомнілі асноўныя падзеі і даты з гісторыі нашай краіны, пагаварылі пра дасягненні нашага народа ў галіне адукацыі, культуры, эканомікі, спорту і г. д. Вынікам працы стаў тэзіс "Толькі мірнай працай і стварэннем мы захаваем моцную і незалежную Рэспубліку Беларусь".
Дарагія Першакласнікі! Сёння школа ўпершыню гасцінна адчыніла для вас свае дзверы і мы рады вітаць вас тут, у гэтых сценах, дзе жывуць веды, яркія падзеі і дружба. Тут жывуць вашы новыя перамогі, маленькія і вялікія поспехі, падтрымка старэйшых, узаемавыручка і вялікая колькасць новых адкрыццяў. Тут вы знойдзеце адказы на самыя розныя пытанні. Зразумееце, у якой прыгожай краіне мы жывём.
жадаю вам, каб новыя веды даваліся лёгка. Не здавайцеся, калі вы сустрэнецеся з цяжкасцямі, якія не захочуць вам раскрываць свае сакрэты. А я вам у гэтым дапамагу.
У добры шлях па Краіне Ведаў!
Амаль усе навучэнцы нашага класа праводзяць свой першы летні месяц канікул у школьным аздараўленчым лагеры "Вясёлка". У лагеры дзеці не толькі адпачываюць, набіраюцца сіл, але і даведваюцца пра нешта новае, адкрываюць нязведаныя куточкі нашай Радзімы. Так выхаванцы лагера пабывалі ў Хатыні, на Кургане Славы, у Гальшанскім замку, наведалі музей-сядзібу Агінскага і музей-сядзібу Ф.Багушэвіча "Кушляны". Падчас экскурсій вучні нашага класа дведаліся шмат цікавага і новага.
Працягваем свае падарожжы па родным краі, знаёмімся з яго гістарычнымі старонкамі. Сёння нам давялося пагуляць па пакоях дома і парку сядзібы М.К.Агінскага ў Залессі. Экскурсія была цікавай і змястоўнай.
Кожны год у пачатку летніх канікул мы са сваімі сябрамі адпраўляемся ў паход па родным краі, і кожны паход дае нам новыя веды і практычныя навыкі, адкрывае перад намі прыгажосць роднай прыроды, пашырае кругагляд, умацоўвае здароўе.
Летнія канікулы пачаліся. Усе вучні нашага класа адпачываюць у школьным аздараўленчым лагеы "Вясёлка". Можна адзначыць, што наведваюць лагер нашы вучні не першы год. Адпачыць у лагеры можна цікава, весела і пазнавальна.
Вось і закончыўся яшчэ адзін год вучобы. Надыходзіць лета. Лета - гэта выдатная пара, якую так любяць дзеці, а летнія канікулы - гэта пара адпачынку, калі можна пазабыць пра школу і ўрокі, уволю набегацца з сябрамі, гэта пара новых прыгод, падарожжаў. На апошняй класнай гадзіне мы падвялі вынікі навучання за трэці клас, успомнілі і паўтарылі правілы бяспечных паводзін у час летніх канікул.
Закончилась учеба,
Лето наступает,
С летними каникулами
Вас я поздравляю.
Желаю вам каникулы
Счастливо провести,
Крепкими, здоровыми
Осенью прийти.
Вас чакае бор грыбны,
Ягады суніцы.
Толькі ў царстве тым лясным —
Цур — не заблудзіцца!
I не ўсе грыбы бяры,
Калі выйдзеш ранкам,
Бо страчаюцца ў бары
I грыбы-паганкі.
Шмат бяды і ад вады,
Не жартуйце з ёю!
Бо даводзяць да бяды
Жартачкі з вадою.
Ну і хопіць вас вучыць,
Спынімся на гэтым...
Трэба дзецям адпачыць
Ад заняткаў летам.
На пачатку лета наш клас са сваімі сябрамі адпраўляецца ў паход па сваім родным краі. Кожны раз не перастае радаваць прыгажосць нашай маленькай Радзімы. І яркія кветачкі, і мяккая траўка, і, ўбраныя ў маладую лістоту, дрэўцы прыветна сустракаюць нас. Чуецца шчабятанне птушак, важна ходзіць па лузе бусел, пяшчотна лашчыць нашы твары лагодны ветрык. Чуецца гул трактара на лузе. Так добра і ўтульна тут.
У вучняў 4 класа прайшло свята "Дзякуй, мой 4 клас!" Мы прынялі актыўны ўдзел у дадзеным мерапрыемстве. Падрыхтавалі для нашых сяброў вершы, частушкі, праспявалі разам песні пра сяброўства, школу. Шчыра віншуем сваіх сяброў з паспяховым завяршэннем першай ступенькі навучання. Жадаем ім большых поспехаў, выдатных адзнак, сяброў і новых перамог.
Здаецца, толькі ўчора быў той час,
Калі прыйшлі мы першы раз у школу.
У школе нас сустрэў званок вясёлы,
I мы за парту селі ў першы раз.
Настаўніца вяла да ведаў нас,
Мы разам па складах буквар чыталі...
А потым быў другі і трэці клас,
I сёння мы... выпускнікамі сталі.
Звіні, вясёлы школьны наш званок!
Час летні вельмі хутка праімчыцца.
Ты ўвосень зноў паклічаш нас на урок,
У пятым класе будзем мы вучыцца.
Нам, пэўна ж, будуць болей задаваць,
Саміх прадметаў школьных стане болей.
I будзем мы хоць зрэдку сумаваць
Аб тым, што ўжо не ў пачатковай школе.
Ды толькі не вярнуць назад гады,
I будзе шосты клас, а потым сёмы...
Але мы будзем памятаць заўжды,
Як першы раз звінеў званок вясёлы.
Як школа нас сустрэла ў першы раз
I як яна нас цёпла павітала.
I першая настаўніца для нас
На ўсё жыццё другой матуляй стала.
I мы ўрачыста абяцаем ёй,
Што і далей вучыцца добра зможам
I нашай роднай школе дапаможам
I працай, і вучобаю сваёй!
Відзевіч Лізавета прыняла ўдзел у раённай праектна-даследчай канферэнцыі “Я пазнаю свет”. Тэма работы – “Гісторыя школы як часцінка малой радзімы”. Кожны вучань павінен ведаць гісторыю школы ў якой вучыцца. Праз гісторыю школы мы непасрэдна датыкаемся да мінулага, вучымся разумець яго, бо школа – часцінка Радзімы, частка нашай агульнай гісторыі.
Дарагія рабяты! Сягоння вы сталі піянерамі. Віншую вас. Слова "піянер" ва ўсе часы азначала "быць першым", быць прыкладам ва ўсім, паважаць і цаніць дарослых, дапамагаць малодшым, быць надзейным сябрам, рабіць добрыя справы на карысць сваёй Радзімы. Жадаю, каб новы піянерскі год стаў годам здзяйснення задуманых ідэй, працягам вашых добрых спраў.
Шмат якія са сведкаў мінуўшчыны - маўклівыя. Іх трэба ўмець зразумець і па-свойму "прачытаць". З дапамогай старажытных рэчаў, зброі, посуду, прыладаў працы ў нас ёсць магчымасць вывучаць жыццё нашых продкаў. Дзякуючы экспанатам нашага музея "Беларуская хата", мы можам падарожнічаць у часе, можам даведацца, як жылі нашы продкі, у якіх гістарычных падзеях яны ўдзельнічалі, якімі помнікамі архітэктуры, творамі літаратуры і мастацтва славіцца наша зямля і хто іх аўтар.
Семья – большое счастье!
У каждого на свете
Должны быть папа с мамой —
У тех, кто всех послушней,
И непослушных самых.
У каждого на свете
Должны быть братья, сёстры…
Чтоб жизнь была весёлой
И от улыбок пёстрой.
У каждого на свете:
Детишек, птиц, зверья,
Должны быть те, кто дорог —
Родимая семья!
У каждого на свете
Должны быть папа с мамой,
Семья большое счастье —
Подарок самый-самый!
Натали Самоний
Навучэнцы нашага класа пабывалі на экскурсіі ў школьным этнаграфічным музеі “Беларуская хата”. Кіраўнік музея Міцко М.Т. расказала дзецям пра прадметы побыту, якія сабраны ў музеі. Затым дзеці паглядзелі відэаролік пра музей, створаны старэйшымі вучнямі нашай школы. Многа новага і цікавага даведаліся навучэнцы падчас экскурсіі з жыцця нашых продкаў .
Захоўваць мір можна навучыцца з дзяцінства. Калі мы ўмеем сябраваць, вырашаць канфлікты спакойна, без сваркі, умеем спачатку выслухаць, а потым ужо даказваць сваё.
Мы назаўсёды захаваем праўдзівую гісторыю Вялікай Айчыннай вайны. А яна нас падводзіць да разумення таго, што адзінства, вера ў сябе і сапраўдная любоў да Радзімы — надзейная абарона ад любой пагрозы. Мужнасць, нязломнасць волі і патрыятызм народа-пераможцы назаўсёды застануцца сімвалам нашай нацыянальнай самасвядомасці. Нізкі паклон і ўдзячнасць ветэранам, чый подзвіг будзе жыць у нашых сэрцах як вялікі дар — магчымасць свабодна жыць і вучыцца на роднай зямлі, засвойваючы урокі сумленнасці і справядлівасці. Мы бязмежна ўдзячныя ветэранам за магчымасць жыць і ганарыцца сваёй краінай. Памяць пра Вялікую Айчынную вайну аб'ядноўвае нас і робіць непераможнымі перад тварам любых выпрабаванняў.
Как хорошо проснуться дома на рассвете,
Какие мирные здесь ночью снятся сны…
И пусть спокойно кружится планета,
Как хорошо на свете без войны!
Набліжаецца вялікі дзень - Дзень Перамогі. Даўно адгрымелі апошнія залпы Вялікай Айчыннай вайны. Загаіліся цяжкія раны: на месцы руін і папялішчаў выраслі новыя гарады і сёлы, зараслі акопы і траншэі. Але боль трагедыі застаўся. Памяць... Яна ўжо шмат гадоў гарыць, палае ў сэрцах мільёнаў людзей незагойным болем. Няхай яна гарыць і ў нашай душы. На зямлі павінна перамагчы жыццё. Жыццё - гэта аснова, а таму давайце будзем жыць так, каб вайна больш ніколі не паўтарылася.
