Новости
Вучні нашага класа прынялі ўдзел у рэспубліканскай акцыі "Ад усёй душы". Віншаванні з Новым годам і Калядамі прыняла настаўніца рускай мовы і літаратуры Сухвала Яніна Іосіфаўна. Зараз яна ўжо пенсіянерка, але заўсёды рада бачыць вучняў школы, ў якой працавала многа гадоў. Моцнага Вам здароўя, паважаная Яніна Іосіфаўна.
Новы год – самае любімае, добрае, казачнае свята, якое чакаюць у кожным доме, у кожнай сям'і. Але ніхто так шчыра не чакае навагодняга цуда, чароўных ператварэнняў і прыгод, як дзеці. І вось 27 снежня ў нашай школе прайшло доўгачаканае Навагодняе свята для навучэнцаў пачатковых класаў. На свята да дзяцей прыйшлі не толькі Дзед Мароз і Снягурачка, але і Зіма, героі казак, лясныя звяры. Наш клас падрыхтаваў інсцэніроўку казкі “Рэпка” на новы лад. Героі падарылі незабыўныя ўражанні, цуды і чараўніцтва. Рабяты апынуліся ў казцы, дзе добра павесяліліся. Кожны атрымаў доўгачаканы падарунак ад Дзеда Мароза. Свята падарыла навучэнцам зарад весялосці і добры святочны настрой.
Паліна, Аляксей і Мікалай зімовыя канікулы праводзяць у школьным аздараўленчым лагеры "Вясёлка". Трэба адзначыць, што наведванне школьнага лагера ўжо стала для дзетак вельмі любімай справай. Паліна і Лёша наведваюць яго кожныя канікулы. Чаму? Адказ просты - тут цікава, весела, пазнавальна.
Новы год - гэта самае любімае свята ў многіх з нас. Чаго толькі варта перадсвяточная мітусня! А як гэтае свята чакае дзятва! І няхітра - бо ў навагоднюю ноч Дзед Мароз і яго памочнікі на чале са Снягуркай паслухмяным раскладваюць пад елкай жаданыя падарункі.
Весела прайшло свята "Прыгоды каля навагодняй ёлкі". Вучні класа адказна падышлі да яго падрыхтоўкі: рыхтавалі вершы, развучвалі песні, карагоды, гульні. Кожны паспрабаваў сябе ў ролі вядучага. Дзеткі трошкі хваляваліся перад выступленнем, але ўсё прайшло проста выдатна.
Усе вучні класа прынялі ўдзел у міжпрадметнай гульні-конкурсе "Пчолка - 2022". Дзеткі паказалі добрыя вынікі. Віншуем вас з узнагародай!
"Самы крэатыўны клас" - такую ўзнагароду атрымалі вучні нашага класа за ўдзел у конкурсе "Навагодні інтэр'ер". Шмат папрацавалі дзеткі, калі прыдумвалі, рабілі і ўпрыгожвалі свой клас да навагодніх святаў. Напэўна, усё атрымалася добра, бо свята Новы год сапраўды чароўнае, любімае, жаданае.
У школе праходзіў конкурс "Навагоднія цуды сваімі рукамі". Вучні нашага класа прынялі актыўны ўдзел у гэтым мерапрыемстве. На конкурс кожны падрыхтаваў навагоднія падзелкі. Дзеткі старанна працавалі ў майстэрні дзеда Мароза. Работы атрымаліся проста выдатныя! Любім мы гэта чароўнае свята.
Памятка для родителей «Зимние каникулы»
1. Правила пожарной безопасности во время новогодних праздников
Во время новогодних праздников, помимо обычных правил пожарной безопасности, следует соблюдать еще несколько простых норм:
1.Не украшайте елку матерчатыми и пластмассовыми игрушками.
2.Не обкладывайте подставку елки ватой.
3.Освещать елку следует только электрогирляндами промышленного производства.
4.В помещении не разрешается зажигать бенгальские огни, применять хлопушки и восковые свечи. Помните, открытый огонь всегда опасен!
5.Взрослым не следует использовать пиротехнику, если они не понимают, как ею пользоваться, а инструкции не прилагается, или она написана на непонятном им языке. Несовершеннолетним использовать пиротехнику категорически запрещается.
6.Нельзя ремонтировать и вторично использовать не сработавшую пиротехнику.
7.Категорически запрещается применять самодельные пиротехнические устройства.
2. Объясните детям "Правила поведения зимой на открытых водоемах"
• Не выходите на тонкий неокрепший лед.
• Места с темным прозрачным льдом более надежны, чем соседние с ним — непрозрачные, замерзавшие со снегом.
• Не пользуйтесь коньками на первом льду. На них очень легко въехать на тонкий, неокрепший лед или в полынью.
• Попав случайно на тонкий лед, отходите назад скользящими осторожными шагами, не отрывая ног ото льда.
Расскажите ребенку, при проламывании льда необходимо:
• Избавиться от тяжелых, сковывающих движения предметов.
• Не терять времени на освобождение от одежды, так как в первые минуты, до полного намокания, она удерживает человека на поверхности.
• Выбираться на лед в месте, где произошло падение.
• Выползать на лед методом «вкручивания», т.е. перекатываясь со спины на живот.
• Втыкать в лед острые предметы, подтягиваясь к ним.
• Удаляться от полыньи ползком по собственным следам.
3. Осторожно, сосульки!
Теплая погода зимой - это время схода снега с крыш. Во время оттепели вероятность стать жертвой ледяной глыбы или гигантской сосульки очень высока, поэтому необходимо держаться подальше от крыш с сосульками, стараться обходить опасные места!
4. Проезжая часть – не место для детских развлечений!
Зимой несанкционированные горки на дорогах становятся одним из факторов, способствующих возникновению дорожно-транспортных происшествий с участием подростков. Ребенок в азарте игры может не заметить приближающийся автомобиль, водитель которого даже если и успеет вовремя среагировать на опасную ситуацию, вряд ли сумеет мгновенно остановить машину в условиях гололеда.
5. Фликеры носить обязательно!
Уважаемые родители! Помните о том, что в темное время суток на верхней одежде ваших детей обязательно должны быть светоотражающие элементы (фликеры). Соблюдение этого простого правила сможет спасти жизнь вашему ребенку!!!
.
Хутка пачнуцца канікулы. Каб адпачынак прайшоў на выдатна, дзеткі змаглі добра адпачыць, неабходна выконваць правілы бяспечных паводін: правілы дарожнага руху, правілы пажарнай бяспекі, правілы асабістай бяспекі. Пад час зімовых канікул небяспека можа падсцерагаць на вадаёме (лёд на возеры, рэчцы яшчэ не акрэп), пры катанні з горак (калі яны блізка ад аўтамабільных дарог), пры выкарыстанні цюбінгаў і ватрушак (не ўсе могуць справіцца з гэтымі сучаснымі прыстасаваннямі для катання з горак).
Канікулы - цудоўная пара. Зробім так, каб яны сталі бяспечнымі!
Віншуем нашых вучняў - Гіруць Паліну, Солдзень Ілону, Уркеля Мікалая, якія прынялі ўдзел у конкурсе "Журавлик - 2022". Дзеткі добра справіліся з прапанаванымі заданнямі. Малайчынка Паліна, якая атрымала узнагароду. Так трымаць і далей! Малайцы!
На вуліцы снежань месяц. Навагоднія і калядныя святы ўжо не за гарамі. У паветры вітае святочны настрой. Вучні нашага класа з нецярпеннем чакаюць свята. Амаль тыдзень яны працавалі ў майстэрні Дзеда Мароза: выразалі сняжынкі, шарыкі, рабілі гірлянды, упрыгожвалі свой клас да навагодняга свята.
Навагодняе свята – гэта час чараўніцтва, цудаў, здзіўленняў і падарункаў. З асаблівым хваляваннем рыхтуюцца да яго і дарослыя, і дзеці.
На занятках гуртка “Мастацтва рукадзелля” Гіруць Паліна зрабіла прыгожую падзелку на конкурс, які праходзіць у нашай школе “Калядныя цуды”.
Размова пра гэту каварную хваробу ішла на класнай гадзіне. СНІД-сіндром набытага імунадэфіцыту, смяротна небяспечная хвароба. СНІД выклікаецца вірусам ВІЧ (вірус імунадэфіцыту чалавека). Гэта адзін з самых каварных вірусаў! Трапляючы ў кроў чалавека, ён нападае на самыя галоўныя клеткі абароны – лімфацыты і разбурае іх. Імунітэт саслабляецца і больш не можа абараняць арганізм. Таму для чалавека становяцца небяспечнымі любыя захворванні, нават прастуда.
Важна заўсёды памятаць, што ВІЧ-інфекцыя можа трапіць у арганізм здаровага чалавека ТОЛЬКІ АД ІНФІКАВАНАГА ЧАЛАВЕКА І ТОЛЬКІ ПРАЗ КРОЎ АБО БІЯЛАГІЧНЫЯ ВАДКАСЦІ, ТАМУ:
нельга дакранацца да прадметаў, на якіх ёсць чужая кроў, асабліва, калі на тваёй скуры ёсць ранкі або парэзы. Нельга чапаць шпрыцы, знойдзеныя на вуліцы ці ў грамадскіх месцах;
у кожнага чалавека павінны быць прадметы асабістай гігіены, якімі карыстаецца толькі ён адзін: зубная шчотка, манікюрные нажніцы;
рабіць пракол вушэй можна толькі ў касметолага і толькі аднаразовым інструментам.
І самае галоўнае: ДРУЖБА, ЗНОСІНЫ, СУМЕСНАЕ НАВУЧАННЕ АБО НАВЕДВАННЕ БАСЕЙНА З ВІЧ-ІНФІЦЫРАВАНЫМІ ЛЮДЗЬМІ ЗУСІМ БЯСПЕЧНЫЯ!
Навучэнцы 3-4 класаў прынялі ўдзел у інтэлектуальна-забаўляльнай гульні «Акцябрацкі КВІС». Падчас удзелу ў мерапрыемстве акцябраты дэманстравалі свой інтэлект, эрудыцыю і кемлівасць. Яны паказалі не толькі веды, але і сваю логіку, а таксама атрымалі масу пазітыўных эмоцый і зарад энергіі.
Мы многа ведаем аб вайне. Мы памятаем, што на абарону нашай Радзімы ўсталі ўсе. І хай сілы былі няроўнымі, але кожны думаў толькі пра адно – не даць Гітлеру зламаць баявы дух нашага народа. Кожны марыў аб тым, каб абараніць сваю краіну. У вайне ўдзельнічалі ўсе, і дарослыя, і дзеці. Падчас ваенных дзеянняў, нямецкія салдаты бралі людзей у палон і размяшчалі іх у спецыяльных канцлагерах смерці, дзе былі невыносныя ўмовы для існавання і кожны дзень паміралі тысячы ні ў чым невінаватых людзей.
8 мая 1945 года нямецкія войскі капітулявалі. Ужо 9 мая 1945 года была абвешчана перамога, народ плакаў ад шчасця, абдымаўся і радаваўся.
Мы ўдзячны ўсім, хто падарыў нам мірнае жыццё. Учынак гродзенскіх падлеткаў выклікаў у нас абурэнне.
Сумна, калі ты адзін. Калі побач з табою сябры, сумаваць не прыходзіцца. Цікавыя мерапрыемствы, спартыўныя спаборніцтвы, заняткі ў гуртках, дыскатэка - гэта яшчэ не ўсё, што прапаноўвае выхаванцам школьны лагер. Не толькі весела адпачываем, хапае часу каб і павучыцца новаму. Вось такая прыгажосць у нас атрымалася.
На асенніх канікулах навучэнцы класа наведвалі школьны аздараўленчы лагер "Вясёла". Канікулы сапраўды аказаліся цікавымі для Паліны, Аляксея і Мікалая. Вельмі пазнавальнай была экскурсія ў наш раённы цэнтр горад Ашмяны. Пешаходная пагулка па горадзе, знаёмства з яго архітэктурнымі помнікамі, наведванне музея сярэдняй школы №3 і №2 сталі сапраўдным адкрыццём для нашых дзетак. Захапляе гісторыя маленькай Радзімы.
Навучэнкі нашага класа Заварзіна Мілана і Відзевіч Лізавета прынялі ўдзел у конкурсе “МІС ЗАЛАТАЯ ВОСЕНЬ”. На працягу тыдня дзяўчынкі рыхтаваліся да гэтага конкурсу. Яны рабілі касцюмы і вырабы з прыроднага матэрыялу, складалі візітку. Падчас конкурсу ўдзельніцы адгадвалі загадкі, адказвалі на пытанні, малявалі, пряўлялі сваю кемлівасць і фантазію. Дзяўчынкі выступілі годна: два дыпломы атрымала Мілана і адзін дыплом – у Лізаветы.
У школе прайшло свята "Мисс золотая осень". Прынялі ўдзел у гэтым конкурсе вучаніцы нашага класа Солдзень Ілона і Гіруць Паліна. Дзяўчынкі вельмі добра справіліся з прапанаванымі заданнямі. Строгае журы вызнчыла пераможцу. Званне "Мисс золотая осень" атрымала Солдзень Ілона. Вельмі рады за твой поспех. Віншуем.
