Новости

Сёння ў школе пачаўся тыдзень пачатковых класаў. На інфармацыйнай гадзіне кожны з нас паспрабаваў даць адказ на пытанне "Для чаго трэба вучыцца ў школе?". Мы з задавальненнем паглядзелі відэафільм, дзе кожны вучань нашай школы выказаў сваё меркаванне. Цікава было паслухаць разважанні нашых навучэнцаў.

Колькі шуму, колькі смеху! Лепім дзеда мы са снегу!
Не, не дзеда! Сёння ў нас была магчымасць намаляваць карціну на снезе. Складаная, але вельмі цікавая работа. Добра папрацавалі Бутрымовіч Дзіяна, Гарлуковіч Сяргей і наш старэйшы сябар Дудойць Павел. Такая прыгажосць у нас атрымалася!

Чым можна заняцца на зімовых канікулах? Вядома ж рознымі цікавымі справамі, якія нам прапануе школьны лагер "Вясёлка". Вось такі цудоўны каляндар атрымаўся ў Дзіяны.

Надышоў зімовы вечар,
Дык чаму ж не спіць малеча?
Свецяць вокны, ззяюць ёлкі
І ў Алеся, і ў Міколкі,
І ў Марыны, і ў Аксаны,
І ў Валерыка таксама.
Пэўна гэта нездарма?
- Можа скажаш ты, зіма?
А зіма ў адказ смяецца:
- Хутка ж Новы год пачнецца!
Сёння мы правялі ранішнік "Новы год ля варот". На свяце сустрэліся нашы добрыя знаёмыя: Дзед Мароз, Снягурачка, Несцерка, Баба Яга і яе памочнік - чорцік Кузя! А яшчэ на свяце былі нашы сябры! Разам мы змаглі запаліць агеньчыкі на нашай ёлачцы. У нас атрымалася ўсё, бо мы - дружныя, кемлівыя, лоўкія і вясёлыя!

Беларусь — наша Радзіма. А з чаго пачынаецца Радзіма? З песні маці, з роднага слова, са сцяжынкі, якая вядзе да роднага дома, роднай школы, са славутай і цікавай гісторыі краю, мясціны, дзе багата рэк, азёр, а ў жыце ўлетку цвітуць блакітныя васількі. Ведаць сваю Радзіму – значыць ведаць яе гісторыю. Чым мы і працягваем займацца.

Кожны раз пад Новы год
Ладзяць ёлкі карагод,
Потым разбягаюцца -
З дзецьмі сустракаюцца.

З белым снегам на галінках
І да нас прыйшла ялінка,
Мо сама, а мо прынёс
Добры, шчодры Дзед Мароз.

У яго святочным клунку
Многа розных падарункаў.
Гэта - радасці крыніца,
Будзем разам весяліцца.
Усе разам мы і весяліліся каля ёлкі 27 снежня на навагоднім ранішніку "Новы год у варот". Вясёлыя карагоды, песні, гульні, казачныя героі падарылі дзецям вясёлы настрой і прыемныя ўспаміны пра навагодняе свята.

Новы Год ужо на ганку,
Дык спяшайцеся хутчэй —
Запрагайце зоркі ў санкі
І сядайце ў іх ямчэй!
Наш клас стаў пераможцам конкурсу на лепшае навагодняе ўпрыгожванне класа. Мы добра папрацавалі, мы - малайцы!

У снежні пачала працаваць у нашым класе майстэрня Дзеда Мароза. Ксенія і Дзіяна прынялі ўдзел у конкурсе падзелак "Навагодні карагод". Яны падрыхтавалі на выставу цудоўныя навагоднія цацкі.

Сёння на апошняй школьнай лінейцы былі падведзены вынікі конкурсу на лепшы навагодні выраб. Навучэнка нашага класа Сальмановіч К. заняла трэцяе месца і атрымала грамату і навагодні падарунак. Смачныя прызы і граматы атрымалі таксама Чаплінскі П. і Клачко М. за свае арыгінальныя вырабы. Не засталіся без падарункаў і астатнія ўдзельнікі. Наш клас за актыўны ўдзел у навагоднім конкурсе быў адзначаны граматай і салодкім падарункам.

Усё бліжэй галоўнае зімовае свята. У школе быў аб'яўлены конкурс на лепшы навагодні выраб. Чатыры вучні нашага класа прынялі ўдзел у навагоднім конкурсе. Вось якія прыгожыя вырабы на зімовую тэматыку ў іх атрымаліся: Сальмановіч К. - "Снегавік-свавольнік"; Чаплінскі П. - "Сімвал года 2019"; Гайдукевіч А. - "Навагодняе цуда"; Бартановіч В. - "Зімовая фантазія".

Ксенія і Дзіяна прынялі ўдзел у конкурсе "Энергамарафон". На конкурс яны падрыхтавалі малюнак "Выбар за табой!". Дзяўчынкі выканалі яго ў тэхніцы аплікацыя. Клапаціцца пра нашу зямлю, яе прыгажосць і прыродныя багацці павінны ўсе: і дарослыя, і дзеці.

Прайшла ўнутрышкольная алімпіяда па беларускай мове сярод навучэнцаў 2-4 класаў. У ёй прымалі ўдзел і вучні нашага класа: Клачко М., Чаплінскі П., Арцём І. Па выніках алімпіяды месцы размеркаваліся наступным чынам: 1-ае месца - Клачко М. (67%), 2-ое месца - Арцём І. (64%), 3-яе месца- Чаплінскі П. (49%).

На класнай гадзіне мы абмеркавалі важнае пытанне - чаму наркотыкі называюць знакам бяды. Мы даведаліся, якую шкоду для арганізма чалавека прыносіць наркотык, як фарміруецца ў чалавека залежнасць ад яго. Той, хто звязвае сваё жыццё з наркотыкамі, перакрэслівае сваё будучае.

“Гальшаны – бойкае мястэчка”, – так пісаў аб сваёй роднай мясціне пісьменнік Вінцук Адважны. Вядомасць сваю аграгарадок не страціў і сёння. На восеньскіх канікулах наш клас адправіўся на вывучэнне гэтага гістарычнага месца. Мы любаваліся даўнешымі і сучаснымі будынкамі, наведалі замак, касцёл і кляштар, даведаліся пра цікавы лёс Соф'і Гальшанскай, схадзілі да загадкавага млына, з захапленнем слухалі легенды аб гарадзішчы і прывідах, якія здаўна прапісаліся тут.

Наш клас прыняў удзел у акцыі "Чысты лес". Гэта мерапрыемства праводзіцца ў нашай краіне з 2010 года і ўжо стала традыцыйным. Прырода - гэта найкаштоўнейшае наша багацце. Клапаціцца аб ёй павінен кожны чалавек. Мы - таксама гаспадары на нашай зямлі. Мы хочам бачыць прыгожым і ўтульным свой дом.

Прайшла ўнутрышкольная алімпіяда па матэматыцы сярод навучэнцаў 2-4 класаў. У ёй прымалі ўдзел і вучні нашага класа: Клачко М., Чаплінскі П., Арцём І. Па выніках алімпіяды месцы размеркаваліся наступным чынам: 1-ае месца - Арцём І. і Клачко М. (29%), 2-ое месца - Чаплінскі П. (25%).

Нягледзячы на сум, восень – вельмі прыгожая пара. Мы змаглі ў гэтым пераканацца ў каторы раз, калі адправіліся ў падарожжа “Шукем восень”. Прыгажосць усюды: у полі, у садзе, на лузе, на возеры.
Пафарбавала восень
Клёны
У колер жоўты
І чырвоны.
На спелых гронках
Арабіны –
Бялюткіх нітак
Павуціна.
А за сцяжынкай
Паглядзі ты –
Зялёнай руні
Аксаміты.
І немагчыма
Надзівіцца
На восень
Цуда-чараўніцу.
В.Шымук

Мама, мамачка, матуля…- наймілагучнейшыя, найдаражэйшыя словы на свеце. Што можа быць больш святым, чым імя маці? Маці – самы родны, самы дарагі чалавек на зямлі, які даў нам жыццё.
Дарагія нашы матулі!
Прыміце самыя шчырыя віншаванні з Днём Маці!
Ад усёй душы жадаем вам моцнага здароўя, шчасця, сямейнага дабрабыту і цяпла, узаемаразумення, поспехаў ва ўсіх справах. Мы вас вельмі, вельмі любім!

Гэта светлае свята блізкае сэрцу кожнага чалавека, бо бацькоўскае цяпло сагравае нас з першай мінуты жыцця, а незаменная мацярынская любоў і мудрая бацькоўская парада робяць нас больш моцнымі і дапамагаюць пераадольваць любыя нягоды.
Мілыя мамы! Няхай у вашых дамах заўсёды жывуць радасць і ўтульнасць, будуць здаровыя родныя, а вас акружае шчырая любоў дзяцей, унукаў і праўнукаў.

Чему учат в школе? Читать, писать и рисовать, а также – жить в обществе и находить свое призвание! А кому нужно сказать спасибо? Конечно же – педагогам, и День учителя – отличный к этому повод! И конечно, не лишним будет прибавить к благодарности пожелание счастья и музыкальный подарок!