Новости 4 класс
15 сакавіка мы адзначаем дзяржаўнае свята — Дзень Канстытуцыі Рэспублікі Беларусь. У нашай краіне Канстытуцыя — гэта асноўны закон, у якім прапісаны правы і абавязкі кожнага грамадзяніна рэспублікі, выбарчая сістэма, дзяржаўны лад. Дзякуючы Канстытуцыі любы чалавек у нашай краіне мае права на годнае жыццё і асабістае развіццё. У нашым класе адбылася тэматычная інфармацыйная гадзіна, прысвечаная Дню Канстытуцыі Рэспублікі Беларусь. Падчас мерапрыемства навучэнцы пазнаёміліся з асноўным дзяржаўным дакументам нашай краіны, паслухалі вершы беларускіх пісьменнікаў пра нашу Радзіму.
З вясны пачаткам нездарма прыходзіць,
Як свята светлае, Жаночы дзень,
Бо, як вясна дае жыццё прыродзе,
Так і жанчына нам жыццё дае.
Сярод дат календара ёсць асабліва любімыя, якія нясуць у сабе цеплыню і зачараванне. Менавіта такой датай з’яўляецца Дзень жанчын — 8 Сакавіка. Гэта свята тых, хто сваёй прыгажосцю, пяшчотай і абаяльнасцю напаўняе цеплынёй і любоўю сэрцы родных і блізкіх. Сардэчна віншуем усіх мам са святам! Жадаем, каб кожны дзень быў напоўнены мірам і радасцю, клопатам і ўвагай родных і блізкіх. Моцнага вам здароўя, поспехаў і добрага вясновага настрою.
1 сакавіка - Міжнародны дзень барацьбы з наркаманіяй, Гэтай праблеме і была прысвечана інфармацыйная гадзіна ў нашым класе. Мэта: пазнаёміць навучэнцаў з небяспекай, якую тояць наркотыкі, выпрацаваць у дзяцей стратэгію бяспечных паводзін. Падчас занятку навучэнцы прынялі ўдзел у псіхалагічнай гульні “Сюрпрыз”, мэта якой – высветліць і абмеркаваць матывы пачатку ўжывання наркотыкаў, даведаліся, што такое наркаманія, чаму людзі становяцца наркаманамі і як можна пазбегнуць наркаманіі.
Многа ёсць на свеце святаў.
А найлепшае для таты -
Абаронцаў Дзень Айчыны,
Дата гонару мужчыны!
23 лютага – Дзень абаронцаў Айчыны, свята мужнасці, адвагі, самаадданасці. Гэта любімае свята не толькі шматлікіх абаронцаў нашай Радзімы, якія нясуць сваю службу, але і іх бацькоў і сыноў, якія ўжо выканалі ці толькі збіраюцца выканаць свой абавязак перад Беларуссю.
Дарагія хлопчыкі і іх паважаныя таты! Прыміце сардэчныя віншаванні з Днём абаронцаў Айчыны і Узброеных Сіл Рэспублікі Беларусь. Жадаем вам мірнага неба над галавой, здароўя, шчасця, дабрабыту вам і вашым блізкім!
Дык чаруй жа людзей
Паміж моваў другіх
І гучы вечна, ярка і нова
Мова продкаў маіх
І нашчадкаў маіх –
Беларуская родная мова.
Алесь Ставер
Кожны народ 21 лютага адзначае Дзень роднай мовы. Менавіта ў гэты дзень усе мовы свету прызнаюцца роўнымі, бо кожная з іх гэта жывая спадчына. Дзень роднай мовы абвешчаны дзеля захоўвання моў.
Cёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна мова, якая завецца роднай. Менавіта на гэтай мове ён размаўляе з роднымі, сябрамі, знаёмымі. І вельмі дрэнна, калі чалавек пачынае забываць сваю мову, не шануе яе. Да гэтага свята і была прымеркавана гадзіна роднай мовы ў 1-2 класах. Мэта інфармацыйнай гадзіны: далучэнне навучэнцаў да беларускай літаратурнай спадчыны, прывіццё любві да роднага беларускага слова, выхаванне нацыянальнай самасвядомасці. Навучэнцы на занятку пабывалі ў ролі перакладчыкаў, успаміналі беларускіх пісьменнікаў і іх творы, чыталі вершы на роднай мове.
Навакольны свет вельмі багаты і разнастайны. Любы дапытлівы чалавек спрабуе даведацца аб ім як мага больш. Але колькі б чалавек не імкнуўся да пазнання таямніц прыроды, ўсё роўна застануцца пытанні, загадкі. Сёння навучэнцы пачатковых класаў пабывалі у дзіўным свеце прыроды, у гасцях у жывёл і раслін нашага краю. Дзве каманды “Турысты” і “Краязнаўцы” прынялі ўдзел у квэст-гульні “Экалагічнае асарці”, дзе іх чакалі цікавыя пытанні і вясёлыя гульні.
У рамках тыдня пачатковых класаў прайшоў “Матэматычны КВЗ”, у якім прынялі ўдзел 2 каманды навучэнцаў 1-2 класаў “Эрудыты” і “Знайкі”. Дэвізам гульні стаў выраз “Матэматыка – царыца навук”. Мэта мерапрыемства: прывіваць цікавасць да матэматыкі, развіваць лагічнае мысленне, узаемапавагу і ўзаемападтрымку. Удзельнікі 2 каманд спрабавалі свае сілы ў конкурсах “Размінка”, “ Шукальнікі”, “Вострае вока” , “Задачы-жарты”, “Засяляем хаткі”, “Вылічы”, конкурсе мастакоў. Каманды паказалі не толькі свае веды па матэматыцы, але і кемлівасць, знаходлівасць. Па выніках усёй гульні перамагло сяброўства.
Сённяшні дзень тыдня пачатковых класаў быў прысвечаны нашай роднай мове. Навучэнцаў чакала займальная гульня “Мы - беларусы”. Мэта гульні: выхоўваць павагу да роднай мовы, да беларускага народа, яго гістарычнага мінулага, культурнай спадчыны. Падчас гульні навучэнцы пабывалі на прыпынках “Сімвалы”, “Родная мова”, “Спадчына”, папрацавалі перакладчыкамі, адгадвалі загадкі, пагулялі ў беларускую народную гульню “Маша”, успомнілі беларускія народныя святы і беларускія народныя казкі, пазнаёміліся са знакамітымі людзьмі, якіх нарадзіла беларуская зямля.
Здароўе з'яўляецца тым бясцэнным дарам, які неабходны не толькі кожнаму асобнаму чалавеку, але і ўсяму сучаснаму грамадству. Невыпадкова падчас сустрэч з сябрамі і блізкімі людзьмі ім абавязкова жадаюць здароўя і доўгіх гадоў жыцця. Сённяшні дзень тыдня пачатковых класаў быў прысвечаны здароўю. Лозунг дня – «У здаровым целе - здаровы дух!». Навучэнцы наведалі Краіну Здароўя, дзе жывуць спорт, вітаміны, гігіена. Яны вызначылі, ад чаго залежыць наша здароўе, адказалі на пытанні віктарыны “Здаровае харчаванне”, зрабілі музыкальную зарадку, пагулялі ў розныя гульні. Дадзенае мерапрыемства было накіравана на фарміраванне ў навучэнцаў пазітыўнага стаўлення да здаровага ладу жыцця.
З 7 па 12 лютага ў нашай школе праходзіць тыдзень пачатковых класаў. На адкрыцці тыдня навучэнцы 1-2 класаў пазнаёміліся з планам работы на кожны дзень. А ў першы дзень тыдня навучэнцы адправіліся ў падарожжа “Сцяжынкамі казак”. Дзеці малявалі герояў сваіх любімых казак, а пасля прадстаўлялі іх.
Шумела гроза над землёю,
Мужали мальчишки в бою.
Знает народ: пионеры-герои
Навечно остались в строю.
У нашым класе прайшоў урок мужнасці “Піянеры-героі Беларусі”, прысвечаны Дню памяці юнага героя-антыфашыста. Галоўная мэта і задачы дадзенага мерапрыемства: пазнаёміць навучэнцаў з гісторыяй Дня юнага героя-антыфашыста, выхоўваць пачуццё патрыятызму, любові да Радзімы, вывучэнне гісторыі сваёй краіны. На ўроку навучэнцы даведаліся, што гэта за дзень, чаму яго адзначаюць 8 лютага, пазнаёміліся з жыццём некаторых юных герояў-антыфашыстаў і піянераў-герояў Вялікай Айчыннай вайны.
Навучэнцы нашага класа пабывалі ў сельскай бібліятэцы. Бібліятэкар Алена Віктараўна расказала пра новыя выданні для дзяцей малодшага школьнага ўзросту, якімі папоўнілася бібліятэка, пазнаёміла з тэматычнай выставай кніг “Год гістарычнай памяці”. Кнігі выставы расказваюць пра гістарычнае мінулае нашага народа і прысвечаны такім гістарычным падзеям, як барацьба нашага народа супраць нацыскіх акупантаў, вызваленне Беларусі ад гітлераўцаў.
У класе прайшоў інфармацыйны ўрок “Перыядычныя выданні Рэспублікі Беларусь”. Дзеці даведаліся, што такое перыядычныя выданні, як можна выкарыстоўваць інфармацыю перыядычных выданняў, пазнаёміліся з газетамі і часопісамі, якія прадназначаны для чытачоў малодшага школьнага ўзросту. А з часопісам “Вясёлка”, які з’яўляецца першай сцяжынкай да пазнання сваёй Айчыны, да разумення прыгажосці роднай мовы, багацця гісторыі і культуры, навучэнцы нашага класа сябруюць ужо другі год.
Чтобы стало в этом мире
Завтра лучше, чем вчера, —
Сохраняй в своей квартире
Воду, газ, тепло всегда.
На класнай гадзіне навучэнцы здзейснілі падарожжа па краіне Энергазберажэння. Мэта падарожжа: стварыць умовы для фарміравання ў навучэнцаў патрэбы разумнай эканоміі і беражлівасці, рацыянальнага выкарыстання энергатычных рэсурсаў. Навучэнцы спрабавалі знайсці самыя простыя рашэнні, якія заключаюцца ў слове беражлівасць, вучыліся берагчы цяпло, ваду, электраэнергію. Вынік падарожжа – складанне рэкамендацый “Як зберагчы энергію”.
У апошнюю нядзелю студзеня адзначаецца Дзень беларускай навукі. Таму сённяшняя іфармацыйная гадзіна была прысвечана дасягненням беларускай навукі. Мэта інфармацыйнай гадзіны: выхоўваць патрыятызм і грамадзянскасць, пачуццё гонару за дасягненні чалавечага розуму і за дасягненні айчыннай навукі і народа. Прэзентацыя “Поспехі і вынаходкі беларускай навукі” пазнаёміла навучэнцаў з беларускімі вучонымі, расказала пра развіццё беларускай навукі і пра яе дасягненні за апошнія гады.
Профессий много на земле,
И каждая – важна.
Решай, мой друг, кем быть тебе.
Ведь жизнь у нас одна.
Сёння на класнай гадзіне навучэнцы 2 класа адправіліся ў падарожжа "У свет прафесій". Мэта класнай гадзіны - узбагаціць веды дзяцей аб розных прафесіях. Вучні расказвалі пра прафесіі сваіх бацькоў, адгадвалі загадкі, складалі прыказкі і прымаўкі аб працы, разыгрывалі розныя сітуацыі. Цікава прайшла гульня “ Хто так гаворыць?”, конкурс “Дакажы слоўца”, вельмі спадабалася дзецям адказваць на пытанні віктарыны “Пазнай прафесію”. Падчас падарожжа дзеці зразумелі галоўнае - усе прафесіі важныя і ўсе прафесіі неабходныя.
Спасатель — профессия важная.
И он всегда молодец!
С опасностями справляется,
Спасает отлично людей!
19 студзеня ў нашай краіне адзначаецца прафесійнае свята - Дзень выратавальніка. Інфармацыйная гадзіна ў нашым класе была прысвечана людзям гэтай прафесіі і прайшла ў форме гульні-загадкі “Асаблівасці прафесіі “выратавальнік””. Гульня-загадка дапамагла дзецям адказаць на пытанні: “Хто такі выратавальнік?”, “Якія асноўныя абавязкі выратавальніка?”
11 студзеня – Сусветны дзень заказнікаў і нацыянальных паркаў. Гэтаму дню і была прысвечана інфармацыйная гадзіна, мэта якой – фарміраванне экалагічнай культуры асобы малодшых школьнікаў. На занятку дзеці пазнаёміліся з паняццямі “заказнік”, “нацыянальны парк”, пазнаёміліся з дзейнасцю арганізацыі ахоўваемых прыродных тэрыторый, здзейснілі завочнае падарожжа па беларускіх заказніках і нацыянальных парках.
Скоро-скоро Новый год
На санях примчится.
Вот уже, наверно, он
К нам в окно стучится…
Новы год – самае любімае, добрае, казачнае свята, якое чакаюць у кожнай сям’і. Але ніхто так шчыра не чакае Навагодняга цуда як нашы дзеці. І вось сёння для навучэнцаў пачатковых класаў прайшоў навагодні ранішнік. А падрыхтоўка да яго пачалася задоўга да наступлення свята. Дзеці развучвалі песні, танцы, хараводы, вершы. Усе прыйшлі на навагодняе прадстаўленне ў касцюмах. Дзяўчынкі нашага класа былі сняжынкамі. Для Дзеда Мароза і яго ўнучкі Снягурачкі яны падрыхтавалі цудоўны вальс сняжынак. Па добрай традыцыі ў канцы свята дзеці атрымалі навагоднія падарункі.
Каб жыццё чалавека было добрым і шчаслівым, неабходны розныя кампаненты, сярод якіх самае важнае месца займае здароўе. Але сёння існуе шмат небяспек. з-за якіх мы можам страціць сваё здароўе. Дзеці і наркотыкі...
І сённяшняя інфармацыйная гадзіна была прысвечана дадзенай тэме. Навучэнцы даведаліся пра шкоду наркотыкаў, пра неабходнасць весці здаровы лад жыцця. А галоўная задача прагляду відэаролікаў “Моладзь супраць наркотыкаў” зводзілася да таго, каб пераканаць дзіця ў небяспецы, незваротнасці і сур’ёзнасці дадзенай праблемы.
