Навіны са школьнага лагера "Вясёлка"
Дэвіз дня “Вясёлка талентаў”.
Дзень пачаўся з вясёлага прывітання: “Я рады цябе бачыць!”. Выхаванцы з задавальненнем зрабілі музыкальную зарадку. На занятку “Я – мастак свайго жыцця і ў ім толькі яркія фарбы” дзеці пастараліся перадаць свой настрой у малюнку, які выканалі ў тэхніцы “пальчыкавае маляванне”. Яркія фарбы расказалі аб тым, што настрой у выхаванцаў цудоўны!
Пад час інтэлектуальнай гульні “Запалі сваю зорку” выхаванцы праявілі сябе на выдатна. Дзве каманды змагаліся за перамогу. Стараліся і перажывалі адзін за аднаго, падтрымлівалі і супакойвалі пры няўдачы. Вынік гульні – 26:26. Перамагла дружба.
На адкрыцці лагернай змены “Прывітанне лагер” кожны змог прадэманстраваць свае таленты. А таленавітых дзетак у нас многа: прыгожа чытаем вершы, спяваем, танцуем.
