Навіны са школьнага лагера "Вясёлка"
“Жывуць тут Граўжанцы” .Пад такой тэмай прайшоў яшчэ адзін дзень лагернай змены.
Задачы дня: фарміраваць пачуццё любові да сваёй малой радзімы, да месца, у якім вырас і жывеш;
узбагаціць і пашырыць веды дзяцей аб роднай вёсцы, яе
памятных месцах; развіваць імкненне вывучаць гісторыю роднага краю.
Выхаванцам была прапанавана прэзентацыя,у якой былі змешчаны фотаздымкі і малюнкі месц нашай вёскі. Дзецям прапаноўвалася назваць гэтыя мясціны, калі ж выклікалі цяжкаці некаторыя малюнкі, выхавальнік даваў дадатковыя звесткі і дапамагаў з адказам.Затым дзеці працавалі з часткамі тэксту, у якім расказвалася аб паходжанні назвы вёскі Граўжышкі, і калектыўна выхаванцы склалі поўны тэкст аб паходжанні роднай вёскі.
У рамках акцыі была праведзена інтэрактыўная віктарына “Адкрывай-ка - Угадай-ка"па ілюстрацыях да казак. Віктарына прайшла ў форме спаборніцтва паміх камандамі дзяўчынак і хлопчыкаў. Найбольш эрудыраванымі аказаліся дзяўчынкі.
У рамках акцыі “Летні маршрут :малая радзіма” быў праведзены конкурс “Васілёк.” У пачатку дзеці абмеркавалі,якое месца займаюць васількі як кветкі ў прыродзе, як могуць выглядаць.Дзеці даведаліся аб выкарыстанні васількоў,як лекавай расліны ў медыцыне. Пазнаёміліся,што васілёк не толькі лічыцца адным з неафіцыйных сімвалаў Беларусі, але яшчэ з’яўляецца нацыянальнай кветкай Эстоніі. Таксама даведаліся аб асаблівасці прадстаўлення і сімволікі васілька ў некаторых творах беларускай літаратуры.Як вынік,дзеці з задавальненнем прынялі удзел у конкурсе. вянкоў і букетаў.
“Кола беларускіх гульняў” праведзенае на спартыўнай пляцоўцы ўключала ўсе асноўныя фізкультурныя элементы: хадзьбу , бег, скачкі.Гульні спрыялі развіццю такіх фізічных якасцяў, як спрыт, хуткасць, вынослівасць, а таксама прывіццё любові да спорту; а калектыўныя гульні – яшчэ і выхаванню дружбы,калектывзму. Асноўнай задачай гульняў і забаў, акрамя фізічнага развіцця і загартоўвання, з'яляецца стварэнне станоўчага эмацыйнага зарада і добрага фізічнага тонусу на ўвесь дзень, аб чым сведчыць “ Экран настрою”.
