Мова - душа чалавека
Міжнародны дзень роднай мовы ва ўсім свеце адзначаецца 21 лютага.
Па дадзеных ЮНЕСКА ў свеце існуе больш за 6000 моў , 95 % з якіх знаходзіцца ва ўжытку ў насельніцтва планеты. Частка моў не мае сваёй пісьменнасці.
Мова-душа чалавека. Дзякуючы ёй, працягваюць жыць традыцыі, звычаі. Мова абуджае цікавасць да свету.
У нашай школе прайшоў тыдзень да Міжнароднага дня роднай мовы. Распачалі тыдзень інфармацыйнымі гадзінамі ва ўсіх класах “Роднае вечнае слова”. Прайшла акцыя “Мае любімыя беларускія словы”. Вучні актыўна ўдзельнічалі ў акцыі, пісалі самыя прыгожыя беларускія словы. Таксама падрыхтавалі відэаролікі і прэзентацыі “Беларусі сінявокая”. Была арганізавана выстава “Ад прадзедаў спакон вякоў”, якую ўпрагожылі саматканыя вырабы бабуль і матуль. Вельмі актыўна прайшло мерапрыемства “Гімн роднай мове” і гульня “Разумнікі і разумніцы”. Тут гучалі песні, вершы беларускіх аўтараў, заглянулі ў “Скарбонку народнай мудрасці”, якую дзеці папаўнялі на працягу тыдня.
За актыўны ўдзел ў правядзенні тыдня вучні былі ўзнагароджаны. Фотаальбом
