Навіны са школьнага лагера "Вясёлка"
Дэвіз дня “Дзень актыўных і цікавых спраў”. Дзень пачаўся з ранішняй вясёлай зарадкі. Добры настрой на ўвесь дзень стварыла музычная гульня “Пазнай мяне”.
Дзеці прынялі актыўны ўдзел у працоўным дэсанце – “Прыгажосць сваімі рукамі”. Выхаванцы навялі парадак ў класным пакоі. Так прайшла пяціхвілінка “Чысціня ў лагеры і дома”.
На занятках гуртка дэкаратыўна-прыкладной творчасці дзеці зрабілі навагодні сувенір. Яны старанна працавалі, таму падзелкі атрымаліся вельмі прыгожыя.
Заняткі ў спартыўнай секцыі спрыялі выхаванню і ўмацаванню здароўя выхаванцаў. Зімовыя забавы на свежым паветра прынеслі ўсім задавальненне.
На экскурсіі ў бібліятэку аг. Граўжышкі вучні пабывалі ў караоке-клубе “Угадай навагоднюю мелодыю”.
Выхаванцы з задавальненнем наведалі гурток “Умелыя ручкі”. Калекцыя навагодніх сувеніраў папоўнілася вясёлым снегавіком.
Дзень завяршыўся гульнёй “Да нас прыйшла Каляда”. За актыўны ўдзел ў гульні дзеці атрымалі падарункі.
Да пабачэння лагер! Дзякуй за добра праведзеныя канікулы!
