Навіны са школьнага лагера "Вясёлка"
Тэма дня – “Здаровым быць здорава”.
Дзень пачаўся з ранішняй пяціхвілінкі “Быць здаровым – гэта клёва”. Выхавальнікі напомнілі дзецям аб правілах прафілактыкі інфекцыйных захворванняў, а таксама замацавалі веды аб карысных і шкодных звычках, вызначылі патрэбу ў вядзенні здаровага ладу жыцця. Усе выхаванцы выказалі жаданне сачыць за сваім здароўем.
Весела і актыўна на свежым паветры прайшла конкурсна-гульнявая праграма “Вясёлыя прыгоды снегавікоў”.
Здавалася б, што можа быць прасцей, чым праца з паперай. І што можна яшчэ новага прыдумаць? Аднак падчас гуртка дэкаратыўна-прыкладной творчасці “Майстэрства рукадзелля” дзеці даказалі, што паперапластыка дазваляе рэалізаваць любыя фантазіі і, выкарыстоўваючы розныя геаметрычныя фігуры, можна атрымаць зусім нечаканыя вырабы. Напрыклад, мілае беленькае зайчаня, якое прысела крыху адпачыць на снезе. А падчас гуртка “Умелыя ручкі” рабяты сталі сапраўднымі мастакамі, якія пры дапамозе каляровай паперы паказалі непаўторную прыгажосць зімовага лесу. Зімовы лес - гэта адно з самых выдатных і дзіўных месцаў на зямлі. У гэты час года лес набывае зусім іншы выгляд, чым улетку ці ўвесну. Ён становіцца беласнежным і чыстым, нібы толькі што нарадзіўся на свет. Аплікацыі “Чароўны зімовы лес” у кожнага выхаванца атрымаліся вельмі прывабнымі, адметнымі і крэатыўнымі.
У пасляабедзены час дзеці дружна сабраліся на мерапрымства “Умей сказаць “Не!” шкодным звычкам”. Выхаванцы прыйшлі да высновы: навучыцца своечасова сказаць "Не!" - важны этап у барацьбе за самастойнасць мыслення і паводзін, за цвёрдае прытрымліванне сваім намерам. І ў гэтым няма нічога дрэннага і крыўднага.
Дзень прайшоў насычана і са шматлікімі прыемнымі ўражаннямі, вынікам якога стаў выдатны настрой выхаванцаў, які, адыходзячы дамоў, яны адзначылі вясёлым смайлікам.
