Дзень памяці воінаў-інтэрнацыяналістаў
За спиною и горы и горе,
За спиною военный Афган.
И строкой автоматною вторит
Эхо долгое, прячась в туман.
15 лютага ў Рэспубліцы Беларусь адзначаецца памятная дата – Дзень памяці воінаў-інтэрнацыяналістаў. У гэты дзень у 1989 годзе завяршыўся вывад савецкіх войскаў з Афганістана. Вайна ў Афганістане доўжылася 9 гадоў 1 месяц і 18 дзён. Больш за 14 тысяч савецкіх воінаў загінулі на чужой зямлі, 6 тысяч памерлі пасля ад ран і хвароб, 311 чалавек прапалі без вестак. Гэта былі найбольшыя страты Савецкай Арміі з часоў Вялікай Айчыннай вайны. Інфармацыйная гадзіна ў нашым класе была прысвечана тым даўнім падзеям, якія сталі ўжо гісторыяй, але пра якія мы абавязаны памятаць, прысвечаны памяці тых, хто ішоў на смерць у Афганістане, хто не шкадаваў свайго здароўя і да канца заставаўся верны воінскаму абавязку.
