Навіны са школьнага лагера "Вясёлка" 24.06.2022
Сёння ў нас святочны дзень, але ў той жа час крышку сумны. Амаль цэлы месяц мы жылі як адна дружная сям'я. І вось сёння прыйшоў час раставацца. За змену мы больш пасябравалі і шмат чаму навучыліся. Мерапрыемствы, якія праводзіліся ў лагеры, дапамаглі нам яшчэ раз пераканацца ў тым, якая прыгожая наша краіна, якая багатая ў яе гісторыя, якія цікавыя планы мае наш народ на будучыню, якія працавітыя, гасцінныя людзі тут жывуць. Выхаванцы лагера прынялі актыўны ўдзел у акцыях “Я гэты край Радзімаю заву”, “Мары нараджаюцца – мары збываюцца”, "Мы помнім, мы ганарымся!", “Дзіцячы аўтацягнік”, “Глядзі і памятай!”, антытытунёвай інфармацыйна-адукацыйнай акцыі "Беларусь супраць тытуню", мітынгу да дня ўсенароднай памяці ахвяр ВАВ . Кожны выхаванец лагера меў магчымасць раскрыць свае творчыя, спартыўныя, інтэлектуальныя здольнасці. Дзякуй, лагер, за добра праведзены час!
Але давайце не будзем сумаваць. Наперадзе ў нас вясёлае, задорнае, звонкае, а галоўнае, бяспечнае лета. Няма нічога лепш для дзяцей, чым сонца, рэчка, вясёлая песня!
