Навіны са школьнага лагера "Вясёлка" 23.06.2022
Тэма дня: “Адкрыццё малой Радзімы”.
Дзень пачаўся вясёлай зарадкай, якая стала добрым ключыкам пазітыўнага настрою для ўсіх выхаванцаў. А спраў у гэты дзень было многа.
На ранішняй пяцімінутцы “77 гадоў міру і бяспкі” выхаванцы адзначылі, якое гэта шчасце жыць, вучыцца, працаваць і адпачываць пад мірным небам.
А якая прыгожая наша Радзіма! Мы змаглі ўбачыць усю гэту прыгажосць калі, пад час работы гуртка “Наш край”, наведалі ландшафтны заказнік “Клява”. Мы пабывалі на верхавым балоце, пазнаёміліся з раслінным і жывёльным светам гэтага прыроднага згуртавання. Паўтарылі правілы паводзін у лесе, балоце. Успомнілі, як арыентавацца па “прыроднаму компасу”. Мы мелі магчымасць паназіраць за сямействам лебедзяў. Як цярпліва чакае сваю здабычу шэрая чапля.
Конкурс ідэй “Будучае без наркотыкаў” паказаў, што выхаванцы добра разумеюць: жыццё кожнага залежыць толькі ад асабістых намаганняў. Да Міжнароднага дня барацьбы з наркаманіяй у лагеры прайшоў "Урок у імя жыцця"
Спартыўная гадзіна “Кола беларускіх гульняў” дала магчымасць дзеткам пазнаёміцца і паспрабаваць свае сілы ў гульнях, якімі захапляліся ў дзяцінстве нашы бацькі, дзядулі і бабулі.
