Навіны са школьнага легера "Вясёлка" 10.06.2022
Тэма дня – “Жывуць тут граўжанцы”.
Чарговы дзень лагернай змены прайшоў насычана і цікава.
Праведзеная ў атрадзе музычная гадзіна “Вянок беларускіх песень” садзейнічала пашырэнню ўяўленняў выхаванцаў пра беларускія народныя традыцыі, фальклор, сучасную культуру. Цікава і інфарматыўна прайшло мерапрыемства “Дзе нарадзіўся – там і згадзіўся”. Рабяты здзейснілі віртуальнае падарожжа па ўстановам і прадпрыемствам нашай малой радзімы, пазнаёміліся з асноўнымі прафесіямі. Дзеці зазірнулі ў будучае… Адзін убачыў сябе аграномам, другі адчуў, што мае задаткі да жывёлагадоўлі, а трэці – у марах ужо выступае на сцэне мясцовага аддзела культуры і вольнага часу. І толькі ў адным погляды зышліся – працаваць на карысць свайго роднага краю.
Праявіць свае лідарскія здольнасці выхаванцы змаглі падчас гадзіны атрада “Партызанскі рубеж”, а спрыт і вытрымку - спартыўнай гадзіны “Свята абруча і мяча”.
Дзень прайшоў са шматлікімі прыемнымі ўражаннямі. Вынікам такой работы стаў выдатны настрой выхаванцаў, які адыходзячы дамоў яны адзначылі вясёлым смайлікам.
