Навіны са школьнага лагера "Вясёлка" 02.06.2022
У сукенцы каляровай,
У хусцінцы васільковай
Ходзіць лета па палях,
Па расквечаных лугах.
Звоніць песняй жаўруковай
Кожны дзень званчэйшай, новай.
Дбайна сонечнае лета
Спеліць ягады для дзетак.
Любіць з імі забаўляцца.
Загараць, спяваць, купацца.
Дораць дзеці лету ўсмешкі,
Гульні, песні і пацешкі.
Ніна Галіноўская
Зноў рады сустрэць сваіх сяброў школьны аздараўленчы лагер “Вясёлка”. Сёлета сабраў ён пад сваё крыло 25 выхаванцаў. З самых першых дзён дзеткі актыўна ўключыліся ў жыццё лагера.
Другі дзень прайшоў пад дэвізам: “Адкрыццё малой Радзімы” (Логін: лета. Пароль: малая Радзіма). Гэта вельмі патрэбная і цікавая справа – вывучаць свой край, сваю бацькаўшчыну. Новыя адкрыцці падарылі выхаванцам заняткі ў гуртку “Быць+Рабіць=Мець”, урок гісторыі “Ганаруся табой, мая Ашмяншчына”.
Каб лета было бяспечным і не засмучала нас рознымі праблемамі, дзеткі паўтарылі правілы паводзін на ранішняй пяціхвілінцы “Інфекцыі: што трэба ведаць”.
Закончыўся дзень спартыўнымі спаборніцтвамі “Вясёлыя старты”.
Адкрыццё лагернай змены адбылося. Дзень добры, лета! Вітаем вас канікулы!
