Навіны з лагера "Вясёлка"
Дэвіз дня: “Мы прыроду захаваем, Беларусь узбагацім”.
Таму ўвесь дзень лагернай змены быў прысвечаны тэме аховы прыроды. Шчырай любоўю да роднага краю была прасякнута гульнявая праграма “Ці ведаеце вы Беларусь?”. А ў пасляабедзенны час выхаванцы прынялі ўдзел у забаўляльна-развіваючай гульні “Праз кнігу ў свет прыроды”, арганізаванай у сельскай бібліятэцы. Затым дзеці дружна сабраліся на экалагічны ўрок “Чырвоная кніга і яе “насельнікі”. Выхаванцы прыйшлі да высновы, што ахова раслін і жывёл - праблема не толькі дзяржаўная, але і кожнага з нас. Мы можам дапамагчы прыродзе, калі станем ёй сябрам (не будзем рваць кветкі, ламаць дрэвы, разбураць гнёзды і г.д.). Неабходна не толькі ведаць жывёл і расліны, якія ўваходзяць у Чырвоную кнігу і ахоўваць іх, але і беражліва адносіцца да ўсіх раслін і жывёл, абараняючы іх.
Дзень прайшоў цікава і са шматлікімі прыемнымі ўражаннямі. Вынікам такой работы стаў выдатны настрой выхаванцаў, які адыходзячы дамоў яны адзначылі вясёлым смайлікам.
