У шосты школьны дзень
Цёплым веснавым днём адправіліся вучні ў падарожжа па аграгарадку Граўжышкі. Шмат цікавага можна знайсці на вуліцах нашага населенага пункта: касцёл пад тытулам святых апосталаў Пятра і Паўла заснаваны каля 1495 ці трошкі пазней — у XVI ст, цяпер тут захавалася толькі драўляная вежа-званіца. Калісьці яе гучныя званы збіралі на святую імшу вернікаў з аграгарадка і прылеглых вёсак. Нават казалі, што рэха граўжышкоўскіх званоў даносілася з ветрам да Гальшан.
Завіталі мы і ў сельскую бібліятэку. Загадчыца Кашчыц Алена пазнаёміла з выставай "Рэха далёкай вайны".
Давелаліся аб паслугах, якія аказвае людзям нашага сельскага савета Граўжышкоўскае паштовае аддзяленне сувязі.
Зразумелі, не ўсё ведаем пра сваю мясціну, але падарожжа не скончылася. Адкрыцці наперадзе.
