Навіны са школьнага лагера "Вясёлка" 02.11.2021
Тэма сённяшняга дня – “Жывуць тут Граўжанцы”.
Пачаўся дзень з ранішняй пяціхвілінкі “Я - мастак свайго жыцця, і ў ім толькі яркія фарбы”. Выхавальнікі расказалі дзецям пра правільнае харчаванне, правілы дарожнага руху і правілы бяспекі ў лагеры.
Далей дзяцей чакаў краязнаўчы гурток “Наш край”. Выхаванцы даведаліся пра гісторыю аграгарадка Граўжышкі,паслухалі паданне пра ўзнікненне Граўжышак і паходжанне назвы, выканалі заданне з дапамогай карты і адказалі на пытанні віктарыны пра Беларусь.
Задорна і весела прайшлі рухомыя гульні на свежым паветры. Усе былі вельмі актыўныя, стараліся быць першымі.
Цікава прайшло адкрыцце лагернай змены “Ганаруся табой,мой родны куточак!”. Падчас мерапрыемства навучэнцы паказвалі свае таленты, адгадвалі загадкі,крыжаванкі,рэбусы.
Затым дзеці прынялі актыўны ўдзел у занятку з псіхолагам “Што я чакаю ад лагернай змены?”. Занятак быў накіраваны на аб’яднанне дзіцячага калектыву, а вынік занятку – стварэнне калектыўнай работы “Калаж”.
Задачы дня былі поўнасцю выкананы, дзеці з задавальненнем дзяліліся ўражаннямі ад праведзеных мерапрыемстваў . З выдатным настроем дзеці адправіліся дамоў.
