Навіны са школьнага лагера "Вясёлка"
Дзень прайшоў пад дэвізам “Здаровым быць здорава”. Квэст-гульня “На варце здароўя” была накіравана на фарміраванне матывацыі захавання і ўмацавання здароўя. Выхаванцы актыўна адказвалі на пытанні, абмяркоўвалі важнасць захавання рэжыма дня, пашырылі свае веды аб здаровым харчаванні і асабістай гігіене.
Фарміраванню навыкаў здаровага ладу жыцця спрыялі прафілактычная гадзіна “Шкодным звычкам –НЕ!”, прагляд і абмеркаванне відэафільма “Мой памочнік – рэжым дня”.
Віктарына “Навагодняя” пазнаёміла вучняў з гісторыяй узнікнення свята на Беларусі і паступова перайшла ў гульнёва-забаўляльную праграму каля ёлкі. Свае веды па традыцыях святкавання Новага года ў розных краінах вучні папоўнілі на бібліятэчным уроку “Навагоднія традыцыі”.
Спартыўная секцыя “Зімовыя забавы” дазволіла дзецям актыўна адпачыць на свежым паветры.
Дзень закончыўся навагодня дыскатэкай.
З добрым настроем дзеці адправіліся дадому.
