Навіны са школьнага лагера "Вясёлка"
Дзень лагернай змены прайшоў пад дэвізам“Вясёлка талентаў”. А пачаўся дзень з пяціхвілінкі “Стань прыкметным у цемры”, дзе яшчэ раз нагадалі выхаванцам аб неабходнасці насіць флікер у зімовы перыяд (раніцай і вечарам). Усе прадэманстравалі наяўнасць гэтых элементаў. Педагог-псіхолаг правёў анкетаванне “Што я чакаю ад лагернай змены”. Выхаванцы выказалі свае думкі, чым бы яны хацелі займацца ў лагеры, што чакаюць ад лагернай змены. Цікава прайшла прэзентацыя “Прывітанне, лагер”, якая пазнаёміла з атраднай сімволікай.
З вялікім задавальненнем дзеці сустрэліся з галоўнымі героямі Новага года – Дзедам Марозам, Снягурачкай і бычком Федзем. Усе прынялі актыўны ўдзел у навагодніх конкурсах, гульнях, вадзілі карагоды, спявалі песні. Пасля сустрэчы прайшла навагодняя дыскатэка. Дзеці атрымалі падарункі. Завяршылася свята навагодніх сюрпрызаў мультпарадам. Дамоў усе атправіліся з вясёлкавым настроем.
