Навіны са школьнага лагера "Вясёлка"
16 чэрвеня ў лагеры прайшла гульня-віктарына “Адгадайце без падказкі, хто героі гэтай казкі”. У гульні удзельнічалі дзве каманды “Праменьчыкі” і “Зайчыкі”. Віктарына была прысвечана 80-годдзю з дня нараджэння Уладзімііра Ліпскага (нарадзіўся 6 мая 1940 года), вядомага беларускага пісьменніка, публіцыста, грамадскага дзеяча, прэзідэнта Беларускага дзіцячага фонда, члена Нацыянальнай камісіі па правах дзяцей. Бібліятэкар пазнаёміла з біяграфіяй пісьменніка. Затым дзецям была прапанавана “Казачная віктарына”, “Літаратурная блытаніна”, крыжаванка “Успомні твор У. Ліпскага” па творах пісьменніка. Дзеці пазнаёміліся з кнігамі, якія былі прадстаўлены на выставе. Дзеці паказалі, што яны многа ведаюць, любяць кнігі і ўважліва іх чытаюць і з захапленнем. Пераможцам віктарыны стала каманда “Праменьчыкі”. Віншуем усіх удзельнікаў гульні-віктарыны.
