Навіны са школьнага лагера "Вясёлка"
Задача дня садзейнічаць фізічнаму аздараўленню, развіваць пазнавальныя здольнасці дзяцей, выхоўваць пачуццё павагі адзін да аднаго, падтрымліваць у атрадзе добразычлівую і камфортную атмасферу.
У атрадзе прайшоў трэнінгавы занятак “Роўны сярод роўных”. На занятку былі падведзены вынікі анкетавання, якое праводзілася падчас гульні “Шукаю сябра”. У выніку падліку высветлілася, што пераможцамі сталі Сальмановіч Ксенія, Бартановіч Вераніка і Бутрымовіч Дзіяна. Ствараючы сваё “Дрэва сяброўства” дзеці адзначылі, што сябар павінен быць добрым, дапамагаць у бядзе, умець прасіць прабачэння, калі вінаваты.
Мэтай спартыўнага гуртка “Рухомыя гульні” з’яўляецца фізічнае развіццё і фізічная падрыхтаванасць дзецей .У час правядзення занятку навучэнцы з задавальненнем гулялі з мячом, прыгалі са скакалкай. Цікава прайшла эстафета “Перадача мяча ў калоне”.
Дзеці з задавальненнем падзяліліся ўражаннямі ад праведзеных мерапрыемстваў. З выдатным настроем, аб чым сведчыць “Экран настрою”, дзеці адправіліся дамоў.
