Навіны са школьнага лагера "Вясёлка"
Мерапрыемствы сённяшняга дня прайшлі пад дэвізам “Чыстая школа – чыстая вёска”. У пачатку дня прайшла ранішняя пяціхвілінка, на якой выхаванцы ўспомнілі правілы асабістай гігіены.
Гутарка-дыялог “Патрэба ў энегргазберажэнні” напомніла дзецям аб неабходнасці беражлівых адносін да вады, электраэнергіі, прыроды.
Які прыгожы букет з кветак атрымаўся ў дзяцей на занятках гуртка дэкаратыўна-прыкладной творчасці. Дзеці знаёміліся з кветкамі сваёй мясцовасці, з кветкамі, занесенымі ў чырвоную кнігу Беларусі. Успомнілі правілы паводзін у прыродзе, аб неабходнасці берагчы родную прыроду.
Мэтай гульні”Падарожжа ў горад Чысціні і Парадку”з’яўлялася- замацаваць веды па фарміраванню санітарна-гігіенічных навыкаў, выхоўваць акуратнасць, беражлівасць, працавітасць. Мерапрыемства прайшло ў форме падарожжа па некалькіх станцыях. Дзеці ў гульнявой форме ўспомнілі асноўныя правілы і прадметы асабістай гігіены, аб неабходнасці захавання чысціні і акуратнасці свайго жылля. Вучыліся тлумачыць прыказкі і прымаўкі, адгадваць загадкі.
Дзень прайшоў з выдатным настроем.
