Навіны са школьнага лагера "Вясёлка"
На ранішняй пяціхвілінцы выхаванцы атрымалі інфармацыю як правільна паводзіць сябе ў час, калі яны застаюцца дома адны, узгадалі, як карыстацца электрапрыборамі, аб небяспечнасці карыстання запалкамі, аб правілах зносін з незнаёмымі людзьмі. А таксама напомнілі пра беражлівыя адносіны да вады, бо вада-крыніца жыцця, а разам з тым вада можа прывесці да трагедыі. Нагадалі нумары тэлефонаў экстраннага вызаву.
Мэта наведвання майстар-класаў ЦТДзіМ -згуртаванне дзіцячага калектыву, развіццё навыкаў узаемаразумення, добразычлівых адносін адзін да аднаго. Дзеці актыўна ўключыліся ў работу. Адны працавалі з цестам, другія з паперай. Пад час выканання заданяў сутыкнуліся з цяжкасцямі, якія вымушаны былі пераадолець. У выніку заняткаў прыйшлі да высновы: уменне дружыць вельмі цэнная чалавечая якасць. Гэту рысу характару трэба настойліва ў сябе развіваць, каб быць дастойным дружбы. З прыгожымі вырабамі і цудоўным настроем выхаванцы пакідалі ЦТДзіМ.
