На цябе, наша моладзь, надзея!
Вось і скончылася летняя пара, пара адпачынку і гульні. Хутка 1 верасня, пара ў школу. Якуб Колас гаварыў:
Кончыліся, дзеці, вашы гульні
Каля светлай рэчкі, каля пуні
І на жоўценькім пясочку,
І ў зялёненькім лясочку.
Пахавайце вуды, стрэлы, лукі,
Прыступайце, дзеці, да навукі...
Даўно ўжо стала традыцыяй пачынаць 1 верасня з урока, які дае ўстаноўку на ўвесь навучальны год.А ў гэтым годзе першы ўрок будзе прсвечаны тэме "На цябе, наша моладзь, надзея!" у сувязі з тым, што 2015 год аб'яўлены Годам моладзі. Настаўнікі і дзеці нашай школы з вялікім натхненнем рыхтуюцца да гэтага ўрока, які буде спрыяць грамадзянска-патрыятычнаму выхаванню моладзі, выхаванню пачуцця гонару за дасягненні нашай краіны, павагі да яе герояў.
