Міжнародны дзень роднай мовы
Магчыма, гэта і не нова,
Што слова – зерне на сяўбе,
А хто не любіць роднай мовы,
Той любіць толькі сам сябе…
С. Грахоўскі
У нашай школе адбыўся шэраг мерапрыемстваў, прысвечаных Міжнароднаму дню роднай мовы. Усе яны былі накіраваны на папулярызацыю беларускай мовы, выхаванне ў падлеткаў павагі і любові да роднага слова, цікавасці да твораў беларускіх пісьменнікаў.Гэтыя мерапрыемствы прайшлі падчас правядзення Тыдня беларускай мовы і літаратуры. Выніковым мерапрыемствам стаў конкурс прэзентацый, прысвечаных роднай мове.
Мы спадзяёмся, што матэрыял, які быў выкарыстаны падчас правядзення мерапрыемстваў, дапаможа дзецям не толькі вывучаць беларускую мову, вучыцца прыгожа гаварыць, паводзіць сябе, але і спасцігаць светапогляд і душу свайго народа, яго гумар, таленавітасць і майстэрства.
