Навіны са школьнага лагера "Вясёлка". Падарожжа ў казку і не толькі...
29.12.2017 – гэты дзень у жыцці выхаванцаў школьнага лагера«Вясёлка» быў трошкі іншы чым звычайна. Яны адправіліся ў падарожжа. Спачатку накіраваліся ў лагер “Дружба” на навагодні баль-маскарад пад назвай “Тайна старой шарманки или новогодние приключения Буратино». Тут яны танцавалі, вадзілі карагоды, удзельнічалі ў розных гульнях і конкурсах, атрымоўвалі салодкія падарункі. Усім было цікава і весела, а напрыканцы балю-маскарада ўсіх частавалі салодкай гарбатай і смачнай выпечкай. З лагера “Дружба” адразу ж накіраваліся ў Жупранскую сярэднюю школу, дзе Мікліс Валянціна Мечыславаўна правяла цікавую і змястоўную экскурсію аб жыццёвым і творчым шляху Францішка Багушэвіча. Дзеці з цікавасцю слухалі, задавалі пытанні, гарталі некаторыя дакументы даўніх часоў. Пасля гэтага займальнага падарожжа трошкі стомленыя, але ўзрушаныя нядаўнімі падзеямі, дзеці вярнуліся ў школу, дзе закончылі навагоднія малюнкі-паштоўкі для сваіх родных і блізкіх. Як падалося нам, выхавацелям, ім было цікава і весела напрацягу ўсяго дня, гэта добра было адлюстравана на “Экране настрою”. Усім дзякуй!
