Мова шчырая… Мілагучная…
Мова шчырая… Мілагучная…
Жаўрукамі гаворкі звіняць.
Хто сказаў пра яе, што – нязручная,
Каб штодзённа на ёй размаўляць?
Адмаўляць мове роднай у годнасці –
Бы ў галоднага хлеб адымаць.
Хто не згодны з яе неабходнасцю,
Не спяшайце яе зневажаць.
Дзень беларускага пісьменства – традыцыйнае свята, якое акцэнтуе ўвагу на неабходнасці захавання і развіцця багатай культурнай спадчыны і духоўных здабыткаў нашага народа. Традыцыйна Дзень беларускага пісьменства праходзіць у гарадах, якія з'яўляюцца гістарычнымі цэнтрамі культуры, навукі, літаратуры і кнігадрукавання.
Вучні нашай школы прынялі актыўны ўдзел у правядзенні свята. Яны здзейснілі завочнае падарожжа па гарадах Беларусі, якія сталі сталіцай Дня беларускага пісьменства. Яшчэ раз прайшліся па старонка жыцця і творчасці нашых асветнікаў: Ефрасінні Полацкай, Францыска Скарыны, Сымона Буднага, Кірыла Тураўскага і інш.
