Навины са школьнага лагера "Вясёлка"
Трэці дзень лагернай змены пачаўся з зарадкі і ранішняй пяціхвілінкі “Дзіцячыя свавольствы з агнём і пітардамі”. Далей выхаванцаў чакала паездка ў Замасцяны ў сядзібу Дзеда Мароза. Дзеці прынялі ўдзел ў цікавай забаўляльнай праграме. Усе ўдзельнікі мерапрыемства вельмі актыўна адправіліся на пошукі Дзеда Мароза і Снягурачкі, якія заблудзіліся ў лесе. Падчас неверагоднага падарожжа дзеці сустракаліся з казачнымі героямі: Бабай Ягой, Драконам, Снежнай каралевай, Піратам, Зайцам. Выхаванцы вадзілі карагоды, гулялі ў гульні з казачнымі героямі , а затым зрабілі фотаздымкі на памяць.
Выхаванцы пабывалі на могілках у вёсцы Жупраны і наведалі магілу Францішка Багушэвіча, яго родных і блізкіх. Успомнілі вядомыя даты з жыцця і творчасці паэта, а таксама яго вершы.
З пазітыўным настроем дзеці вярнуліся ў лагер, дзе з захапленнем удельнічалі ў атрадных мерапрыемствах.
