Навіны са школьнага лагера "Вясёлка"
Другі дзень лагернай змены прайшоў пад дэвізам “Вясёлка талентаў”. Пачаўся дзень з ранішняй пяціхвілінкі “Стань прыкметней у цемры”, падчас якой выхавальнікі нагадалі рабятам асноўныя правілы бяспечных паводзін пры перамяшчэнні ў цёмны час сутак.
Педагог-псіхолаг правёў анкетаванне “Што я чакаю ад лагернай змены?”. Выхаванцы выказалі свае думкі, чым бы яны хацелі займацца ў лагеры, чаго чакаюць ад лагернай змены. Урачыста адбылося адкрыццё лагернай змены “Прывітанне, лагер”, дзе рабяты прэзентавалі атрадную сімволіку.
Падчас доўгачаканага свята “Прыгоды ля навагодняй ёлкі” дзеці з вялікім задавальненнем вадзілі карагоды з Дзедам Марозам, Снягурачкай, спявалі песні, танцавалі, удзельнічалі ў навагодніх конкурсах, гульнях. Не адзін з удзельнікаў не застаўся без традыцыйнага салодкага падарунка. А далей дзятву чакала навагодняя дыскатэка. Завяршылася свята навагодніх сюрпрызаў мультпарадам. Дамоў усе адправіліся з вясёлым настроем.
