Навіны са школьнага лагера "Вясёлка"
Зіма – пара чараўніцтва, цудаў і таямніц. У большасці кніг, казак і тэлеперадач усе цуды адбываюцца іменна ў гэтую пару. І як пашанцавала дзецям напярэдадні навагодніх свят стаць выхаванцамі лагернай змены “Зімовыя забавы”! Канікулы – гэта час для новых эксперыментаў, пошуку новых уражанняў і адкрыцця ў сабе шматлікіх талентаў і, канешне, сустрэчы з сапраўдным чараўніцтвам.
Першы дзень лагернай змены прайшоў пад дэвізам: “Наш прыгожы лагер!” Пачаўся дзень з ранішняй пяціхвілінкі “Небяспека на зімовай дарозе”, падчас якой выхавальнікі азнаёмілі дзяцей з правіламі бяспечных паводзін на зімовай дарозе, а затым былі замацаваны падчас практыкума “Бяспечныя канікулы: ведай, памятай, выконвай!”.
Спартыўныя здольнасці, спрыт і кемлівасць прадэманстравалі рабяты падчас “Навагодніх стартаў”.
Пасля была праведзена віктарына “Навагодняя”, дзе выхаванцы пагрузіліся ў атмасферу смеху, жартаў і вяселля: разгадвалі загадкі, рэбусы, крыжаванкі, працавалі з анаграмамі, прыдумвалі пантамімы і г.д.
На спартыўным гуртку “Лоўкія” выхаванцы развучвалі новыя рухомыя гульні.
Цікава прайшла прэзентацыя “Прывітанне, лагер!”, якая пазнаёміла выхаванцаў з планам работы на змену, заняткамі па інтарэсах, службамі лагера. Дзеці выбралі актыў лагера і з ахвотай падбіралі дэвіз, крычалку, праспявалі атрадную песню. А яшчэ выразалі, клеілі, малявалі … Усе хлопчыкі і дзяўчынкі прынялі актыўны ўдзел у аперацыі “Наш прыгожы лагер”.
Першы дзень лагернай змены прайшоў вельмі насычана і цікава. Задачы дня былі выкананы. Рабяты засталіся задаволены вынікам сваёй працы, аб чым сведчаць вясёлыя смайлікі на экране настрою.
