Навіны са школьнага лагера
Тэма дня: “Жывуць тут Граўжанцы”.
Дзень пачаўся з ранішняй пяціхвілінкі “Я – мастак свайго жыцця, і ў ім толькі яркія фарбы”. Не сакрэт, што для таго, каб атрымліваць асалоду ад кожнага дня, трэба мець моцнае здароўе. А для таго, каб мець моцнае здароўе, трэба ім займацца і ведаць, што спрыяе яго ўмацаванню і падтрыманню. Добрая фізічная форма і стабільны эмацыйны стан шмат у чым залежаць ад таго, якое жыццё мы вядзем, якім каштоўнасцям даём прыарытэт. Заняткі спортам і творчасцю, захаванне рэжыму дня і правілаў асабістай гігіены, правільнае харчаванне, адмова ад шкодных звычак – гэта і ёсць залог моцнага здароўя – бясцэннага багацця ў жыцці кожнага чалавека. Аб усім гэтым вялася размова з выхаванцамі на пяціхвілінцы.
На мерапрыемстве з педагогам-псіхолагам дзеці прадставілі свае анкеты-малюнкі “Што я чакаю ад лагернай змены?”. А гэта такія пажаданні, як удзел у экскурсіях, розных конкурсах, спартыўных спаборніцтвах, прагляд любімых мульцікаў, дыскатэка і шмат чаго іншага.
Затым у атрадзе адбылося ўрачыстае адкрыццё лагернай змены “Ганаруся табой, мой родны куточак”. Выхаванцы пагрузіліся ў атмасферу смеху, жартаў і вяселля: разгадвалі загадкі, чыталі вершы, працавалі з анаграмамі, прыдумвалі пантамімы, спаборнічалі ў хуткасці, лоўкасці і г.д. Пасля гэтага рабяты дружна сабраліся на гульню “Мая Радзіма”.
Дзень прайшоў цікава і са шматлікімі прыемнымі ўражаннямі. Вынікам яго стаў выдатны настрой выхаванцаў, які адыходзячы дамоў, яны адзначылі вясёлым смайлікам.
