Навіны са школьнага лагера
Першы дзень лагернай змены прайшоў пад дэвізам “Чыстая школа – чыстая вёска”
А пачаўся дзень з ранішняй пяціхвілінкі “Чыстыя рукі – твая ахова”, Падчас хвілінкі небяспекі выхавальнік напомніла выхаванцам правілы бяспекі ў лагеры і ў час восеньскіх канікул, правілы бяспечных паводзін на дарозе, па дарозе ў школу і дадому. Падчас практыкума “Бяспечныя канікулы: ведай, памятай, выконвай!” сацыяльны педагог правяла з выхаванцамі інтэрактыўны трэнінг па правілах бяспечных паводзін на восеньскіх канікулах. Цікава прайшла прэзентацыя “Прывітанне, лагер”, на якой выхаванцы пазнаёміліся з планам работы на змену, заняткамі па інтарэсах, службамі лагера.
У аздараўленчым лагеры “Вясёлка” “закіпела” работа па добраўпарадкаванню тэрыторыі, абсталяванню і афармленню лагернай змены. Пад кіраўніцтвам выхавальнікаў прайшла аперацыя “Наш прыгожы лагер”. Дзеці выразалі, клеілі, малявалі, дзяліліся сваімі ідэямі, думкамі, меркаваннямі. Быў прыдуманы дэвіз, крычалка, падабрана атрадная песня і г.д. Усе выхаванцы прынялі актыўны ўдзел у грамадска- патрыятычнай акцыі “Жывая памяць пакаленняў”. Выхаванцы прыбралі помнік загінуўшым воінам у аг. Граўжышкі і магілу настаўніка, ветэрана Вялікай Айчыннай вайны Іўчыка І.А.
