Дзень беларускай пісьменнасці
Якое вялікае, значнае і мудрае свята ёсць у Беларусі! Дзень беларускай пісьменнасці — гэта наш незгасальны выток. Выток гісторыі і культуры, бо гэтыя паняцці — адно цэлае. Многім беларускім гарадам выпадаў такі высокі гонар – быць галоўным месцам правядзення вялікага ўсенароднага свята. Сёлета шаноўных гасцей не толькі з Беларусі, але і замежных прымаў старажытны горад-прыгажун Рагачоў.Горад, які раскінуўся на двух рэках – Дняпры і Друці. Дзень беларускай пісьменнасці – гэта магчымасць сказаць вялікі дзякуй пісьменнікам, вучоным, літаратарам – усім, хто мае дачыненне да гэтага значнага працэсу, – захавання роднага слова. Свята пісьменнасці прайшло і ў нашай школе.Дзеці разам з настаўнікам успомнілі імёны славутых беларускіх дзеячаў, паэтаў, пісьменнікаў. Звярнуліся да творчасці мясцовай паэтэсы Чаплінскай Я.І. Чыталі вершы на памяць. Таксама зазірнулі ў скарбонку літаратурнай дзейнасці паэтаў Ашмяншчыны.
Дзецям свята спадабалася.
