Навіны са школьнага лагера
Дзень прайшоў пад дэвізам “Дзень актыўных і цікавых спраў”.
Задачы дня: стварыць умовы для добрага адпачынку і вясёлага настрою;
садзейнічаць развіццю любові да працы, да сваёй Радзімы; выхоўваць адказнасць за чысціню рабочага месца, чысціню класа і школы.
На пачатку дня была праведзена ранішняя зарадка, пяціхвілінка “Чысціня ў лагеры і дома”. Затым прайшлі гурткі “Умелыя рукі” і танцавальны гурток “Крок наперад”. Выхаванцы лагера разам з выхавацелямі прынялі ўдзел у акцыі-віншаванні сталых людзей “Мы заўсёды разам”. Дзеці самі на гуртку “Умелыя рукі” зрабілі паштоўкі для віншавання.
Самым цікавым і запамінальным для дзяцей было закрыццё лагернай змены. Падчас мерапрыемства выхаванцы адгадвалі загадкі, спявалі песні, расказвалі вершы, танцавалі. Весела прайшоў караоке-клуб “Адгадай навагоднюю мелодыю”. На памяць аб адпачынку ў зімовым аздараўленчым лагеры кожны выхаванец атрымаў падарунак. А завяршылася работа лагера аперацыяй “Чысты клас”.
Задачы дня былі выкананы. На працягу ўсяго лагернага дня дзеці былі ў добрым настроі.
