Навіны са школьнага лагера "Вясёлка"
Дзень прайшоў пад дэвізам “Адкрыццё малой радзімы” (у рамках акцыі “Я гэты край Радзімаю заву”).
Раніца ў лагеры пачалася з ранішняй пяціхвілінкі “Мы-пешаходы, мы-пасажыры”.
Цікава прайшла экскурсія ў музеі сярэдняй школы №3, дзе выхаванцы пазнаёміліся з гісторыяй алімпійскіх гульняў і развіцця спорту Ашмянскага раёна. Затым выхаванцы наведалі музей сярэдняй школы №2 г. Ашмяны. Адметнай рысай гэтага музея было тое, што дзеці маглі не толькі ўбачыць экспанаты і даведацца нешта цікавае пра іх, але і патрымаць іх у руках. Пасля абеду выхаванцы прынялі ўдзел ў спартыўнай гульні-забаве “Турнір шашыстаў”, дзе паказалі свае здольнасці ў гульні ў шашкі.
Падчас інтэрактыўнай гульні “Гэтыя бяспечныя канікулы”, “Бяспека курыльных сумесяў” дзеці даведаліся аб шкодзе курыльных сумесяў, іх разнавіднасцях і небяспецы для здароўя.
Дзень прайшоў цікава і весела.
