Навіны са школьнага легера "Вясёлка" 21.06.2022
Тэма дня лагернай змены – “Дзень Берагошы: беражы сябе, сваіх сяброў і ўсё навокал”.
Пачаўся дзень з ранішняй пяціхвілінкі “Спартыўная вышыня”, падчас якой выхавальнікі паведамілі дзецям цікавыя звесткі пра спартсменаў і іх спартыўныя дасягненні.
На занятках гуртка “Наш край” выхаванцы ўдзельнічалі ў віктарыне па гісторыі свайго краю (Граўжышкі і Ашмянскі раён), дзе адказвалі на пытанні, разгадвалі крыжаванкі, пазнавалі мясціны і будынкі, што захаваліся з мінулых часоў да нашых дзён.
А пасля дзеці прынялі ўдзел у конкурсе “Ліст ветэрану”, паспрабавалі адчуць сябе ў ролі салдата і напісалі пісьмы з фронту сябру.
Пазнавальна і цікава прайшла спартыўная гадзіна “Краіна карысных і шкодных звычак”, падчас якой у гульнёвай форме выхавальнікі расказалі пра карысныя і шкодныя звычкі.
Затым дзецей чакала цікавае мерапрыемства “Спартыўнае падарожжа”, падчас якога выхаванцы пазнаёміліся са спартыўнымі аб’ектамі нашай краіны.
На гэтым лагерны дзень падыйшоў да заканчэння. Дзеці ў добрым настроі накіраваліся дадому.
