Навіны са школьнага легера "Вясёлка" 20.06.2022
Тэма дня лагернай змены – “Жывуць тут Граўжанцы”.
Пачаўся дзень з ранішняй пяціхвілінкі “Беларусь сучасная”, падчас якой выхавальнікі паведамілі дзецям цікавыя звесткі пра сучаснасць нашай краіны. На занятках гуртка “Быць + Рабіць = Мець – выхаванцы пагулялі ў рухомыя гульні.
Цікава і займальна прайшла віктарына “Адкрыем Беларусь для моладзі і міру”, падчас якой выхаванцы прадэманстравалі свае веды і праявілі сябе сапраўднымі эрудытамі.
Затым дзецей чакала інфарматыўнае мерапрыемства “Я грамадзянін Рэспублікі Беларусь: я маю права, я абавязаны”, падчас якога выхаванцы пазнаёміліся з дзіцячым прававым сайтам.
А пасля дзеці прынялі ўдзел у конкурсе малюнкаў на асфальце “Я ганаруся сваёй Радзімай” (Логін: лета. Пароль: малая радзіма).
На спартыўнай гадзіне “О. спорт!” выхаванцы ўдзельнічалі ў спартакіядзе “Самы хуткі, самы лоўкі” і пагулялі ў футбол.
Задачы дня былі выкананы. Дзеці ўвесь час былі ў добрым настроі і задаволеныя сённяшнім днём пайшлі дадому.
