Навіны са школьнага лагера "Вясёлка" 09.06.2022
Тэма дня – “Адкрыццё малой радзімы”.
Дзень пачаўся з ранішняй пяціхвілінкі «Сонца - наш сябар або вораг?”, падчас якой выхавальнікі завастрылі ўвагу дзяцей на тым, што летняе сонца можа нанесці вялікую шкоду чалавеку. Каб яно стала сябрам, неабходна прытрымлівацца правіл знаходжання на сонцы, якія былі даведзены да ведама кожнага выхаванца.
На спартыўным мерапрымстве дзяцей чакала спаборніцтва па стральбе. Дарэчы, дзяўчынкі таксама паказалі добрыя вынікі. Такім чынам, рабяты даказалі, што гатовы стаць у будучым сапраўднымі абаронцамі сваёй Айчыны.
Затым прайшла вельмі цікавая і інфарматыўная эканамічная гульня “Мае ідэі для малой радзімы, якой я бачу сваю вёску”, працягам якой стала віртуальная экскурсія “Я родным краем ганаруся”. Дзеці здзейснілі падарожжа па родным краі. Рабяты акунуліся ў разнастайнасць прыроды сваёй малой радзімы, з цікавасцю прайшлі ўсе станцыі, на якіх пазнаёміліся з гісторыяй свайго аграгарадка, адгадалі знаёмыя месцы роднага краю, успомнілі народныя любімыя гульні сваіх бабуль і дзядуль, назвалі, якія птушкі і звяры насяляюць менавіта наш край і шмат яшчэ ўсяго цікавага!
Дзень прайшоў весела, актыўна і энергічна.
