Навіны са школьнага лагера "Вясёлка" 03.06.2022
Дзень прайшоў пад дэвізам “Жывуць тут Граўжанцы”.
Раніца у лагеры пачалася з ранішняй пяціхвілінкі “Быць здаровым ,жыць актыўна – гэта стыльна,пазітыўна”.
Выхавальнікі паведамілі, як важна весці актыўны лад жыцця і як ён уплывае на нас. Задорна і весела прайшла экскурсія па тэрыторыі аграгарадка “Нязведаныя маршруты малой радзімы”, падчас якой дзеці пабывалі ў цікавых і маляўнічых месцах са сваёй даўняй гісторыяй.
Пасля гэтага выхаванцы даведаліся шмат цікавага і захапляльнага ў гуртку “Наш край”. Затым дзеці глядзелі відэфільм у рамках культурна-патрыятычнага марафона “Глядзі і памятай”, пасля якого зрабілі калаж на тэму праглежанага фільма, што асабліва было цікава для выхаванцаў.
Закончыўся дзень вырабам анкетаў-малюнкаў на тэму “Што я чакаю ад лагернай змены?”. Дзеці з задавальненнем прэзентавалі свае цудоўныя малюнкі.
Задачы дня былі выкананы. Дзеці ўвесь час былі ў добрым настроі і з задавальненнем ад сённяшняга дня пайшлі дадому.
