Навіны са школьнага лагера "Вясёлка" 01.06.2022
Вось і надышлі доўгачаканыя летнія канікулы! Лета – гэта не толькі гарачая і насычаная падзеямі пара года, але і час, калі можна зрабіць шмат з цікавага, прыемнага і карыснага.
Тэма першага дня лагернай змены – “Наша школа, наша вёска” (у рамках акцыі “Я гэты край Радзімаю заву”).
У першай палове дня выхаванцы сталі актыўнымі ўдзельнікамі ўрачыстай лінейкі, прысвечанай адкрыццю летняй аздараўленчай кампаніі 2022 года, якая адбылася ў гарадскім парку. Сімвалічна, што гэтае мерапрыемства прайшло ў Міжнародны Дзень абароны дзяцей. Падчас свята стварыўся сапраўдны дзіцячы гарадок, у які дружна сабраліся хлопчыкі, дзяўчынкі і іх настаўнікі. Усіх чакала насычаная святочная праграма.
Дзеці пасля весела праведзенага мерапрыемства з добрым настроем вярнуліся ў лагер, у якім іх чакалі не менш цікавыя атрадныя справы.
