Дзень роднай мовы
21 лютага адзначалі Дзень роднай мовы. Гэты дзень асаблівы для кожнай нацыі, кожнага народа, бо няма народа без мовы, няма мовы без яго носьбіта.
Наша родная мова – беларуская. Мова ўваходзіць з вуснаў маці. Прыгожае гучанне слова мы пачынаем успрымаць з матчыных песень, цудоўных беларускіх казак, легендаў , паданняў.
З роднай мовай мы пакідаем бацькоўскі парог.
У гэты дзень у школе дзеці стараліся размаўляць толькі на беларускай мове. У кожным класе на класнай гадзіне вучні выказвалі свае адносіны да роднай мовы, гаварылі пра яе развіццё, станаўленне.
У пачатковых класах прайшло мерапрыемства “Дзень роднай мовы”, дзе дзеці расказвалі вершы, разгадвалі рэбусы, спявалі песні, падбіралі прыказкі і прымаўкі пра мову, рашалі моўныя задачы, а таксама прайшла віктарына.
