Навіны са школьнага лагера "Вясёлка" 03.11.2021
Сённяшні дзень у лагеры прысвечаны адкрыццю таямніц нашай малой радзімы. Знаёміцца з гісторыяй, традыцыямі, людзьмі сваёй мясцовасці выхаванцы лагера не перастаюць кожны дзень.
А пачаўся дзень з ранішняй пяціхвілінкі “Мы – пешаходы, мы – пасажыры”. Выхаванцы ўспомнілі і паўтарылі правілы дарожнага руху і правілы паводзін у транспарце.
Велімі спадабалася дзецям гульня-падарожжа “Традыцыі і звычаі беларускага народа. Свята Дзяды”. Падчас гульні навучэнцы папоўнілі свае веды пра традыцыі і звычаі беларускага народа.
Весела і цікава прайшоў занятак гуртка “Лоўкія”. Навучэнцы гулялі ў настольныя гульні, удзельнічалі ў спартыўных конкурсах.
У другой палове дня прайшоў турнір шашыстаў. Лепшыя шашысты – Адашкевіч А. і Адашкевіч В. Пераможцы былі ўзнагароджаны граматамі.
Затым дзень прадоўжыла інтэрактыўная гульня “Гэтыя бяспечныя канікулы. Бяспека курыльных сумесяў”. Педагог сацыяльны напомніла дзецям пра правілы бяспекі на канікулах, расказала пра бяспеку курыльных сумесяў.
Дзень прайшоў цікава і са шматлікімі прыемнымі ўражаннямі.Вынікам такой работы стаў выдатны настрой выхаванцаў, які, адыходзячы дамоў, яны адзначылі вясёлымі смайлікамі.
