Навіны са школьнага лагера "Вясёлка"
Першы дзень лагернай змены "Усмешка" прайшоў пад дэвізам “Бяспечныя канікулы”. Выхаванцы прынялі актыўны ўдзел у абсталяванні і ўпрыгожванні лагера, малявалі, клеілі, выразалі. Таксама наведалі майстар-клас у Цэнтры творчасці дзяцей і моладзі, дзе яны з цікавасцю і захапленнем выраблялі розныя падзелкі, малявалі, ляпілі з гліны і мукі. Вырабленыя падзелкі дзеці забралі з сабой. Прынялі ўдзел у інтэрактыўнай гульні “Гэтыя бяспечныя канікулы”. У драматычным гуртку “Маленькія зорачкі” дзеткам было прапанавана праглядзець і абмяркаваць казку “Гадкае качаня”, а таксама пазнаёміцца з невялікай колькасцю новых замежных слоў, якія сустракаліся падчас прагляду казкі.
У добрым настроі выхаванцы пакідалі лагер у гэты дзень, аб чым сведчыць “Экран настрою” (100% выдатны настрой).
